145
milliondan ortiq bolada boʻy oʻsishi, jismoniy va intellektual rivojlanish bilan
bogʻliq jiddiy kamchiliklar kuzatilmoqda.
Keyingi uch yilda esa ushbu
koʻrsatkichlar salbiy tomonga oʻzgarayotgani qayd etilmoqda. Shu oʻrinda
ochlikdan aziyat chekayotgan aholining aksariyati, yaʼni 520
milliondan
yaqini osiyoliklar ekanligini taʼkidlash joiz. Aholi soni tez koʻpayib
borayotgani, oziq-ovqat mahsulotlari ishlab chiqarish imkoniyatlari
cheklanayotganligi sababli koʻplab mamlakatlarda aholini sifatli oziq-ovqat
bilan taʼminlash masalasi asosiy muammoga aylanmoqda.
Oziq-ovqat xavfsizligiga oid adabiyotlarni oʻrganish shuni koʻrsatadiki,
bu tushuncha birinchi marta oʻtgan asrning 70-yillarida qoʻllana boshlagan.
Keyinchalik bu tushuncha maʼno jihatidan kengayib bordi. 1996-yilda Oziq-
ovqat xavfsizligi boʻyicha butunjahon sammitida
Jahon banki taklif etgan
taʼrifga koʻra “barcha insonlarning faol va sogʻlom turmush tarzi kechirishi
uchun, oʻzlarining ehtiyojlariga mos, yetarli hajmdagi, xavfsiz va toʻyimli
oziq-ovqatlarni har doim olishga jismoniy va iqtisodiy jihatdan qurblari
yetishi — oziq-ovqat xavfsizligini anglatadi”. Keyinchalik 2009-yilda boʻlib
oʻtgan Oziq-ovqat xavfsizligi boʻyicha butunjahon
sammitida oziq-ovqat
xavfsizligini baholashning quyidagi 4 jihati belgilab berildi (6.5-jadval)
