CyberPlat tizimining afzalliklari
quyidagilarda namoyon bo‘ladi.
O‘zaro to‘lovlarni o‘tkazish tezligi: Xaridor, Magazin va Bank ish-
tirok etuvchi barcha operatsiyalarning on-line shaklida o‘tkazilishi.
Soddaligi:
1) tizimga ulanishning yetarlicha soddaligi;
2) moliyaviy operatsiyalarni amalga oshirish texnologiyasining muay-
yan soddaligi;
Mijoz hisob raqamining xavfsizligi va konfidensialligi quyidagilar-
ga asosan ta’minlanadi:
1) o‘zaro munosabatda bo‘lgan tomonlar Elektron-raqam imzolar-
dan foydalanadi (ERI);
2) mijoz xavfsizligining tegishli darajasi 512-bitli yopiq kalitni qo‘l-
lash orqali ta’minlanadi;
3) operatsiyani o‘tkazuvchi tomonlarning haqiqiyligini tasdiqlovchi
tizimning mukammalligi.
Real vaqtda amalga oshirilayotgan to‘lovlar bilan bog‘liq operatsi-
yalar va ularni tegishli hujjatlar bilan tasdiqlash ustidan nazorat quyida-
gilarga asosan ta’minlanadi:
1) to‘lov operatsiyalarining har bir bosqichi rasmiy hujjatlar bilan
tasdiqlangan;
2) hujjatlar ERI bilan imzolanadi.
Hisob raqamni Internet orqali boshqarishdagi qulaylik CyberPlat ti-
zimida ochilgan hisob raqami orqali to‘lovni tashqi to‘lov tizimlar orqali
har qanday bankning har qanday hisob raqamiga o‘tkazish imkoniyati-
ning mavjudligi bilan kafolatlanadi.
CyberPlat tizimining kamchiliklari boshqa qator to‘lov tizimlari sin-
gari o‘z mijoziga tegishli axborot va transaksiyalari xavfsizligini mutlaq
tarzda ta’minlab bera olmasligidir.
