168
Корпоратив бошқарув тизимини янада ривожлантиришнинг қуйидаги
асосий
йўналишларини келтириб ўтамиз:
•
халқаро тажрибани чуқур таҳлил қилиш ва шу асосда замонавий корпоратив бошқарув
услубларини жорий этиш, ишлаб чиқариш, инвестиция, моддий-техник, молиявий ва
меҳнат ресурсларидан фойдаланиш самарадорлигини ошириш;
•
чет эл капитали иштирокида акциядорлик жамиятларини ташкил этиш, акциядорлик
жамиятларига хорижий инвестицияларни кенг жалб қилиш учун қулай шароитлар
яратиш;
•
эски бўлинмалар ва лавозимларни тугатиш, замонавий халқаро стандартлар ва бозор
иқтисодиёти талабларига мос янги бўлинма ва лавозимларни жорий этишни инобатга
олган ҳолда, акциядорлик жамиятларини бошқариш тузилмасини тубдан қайта ташкил
этиш;
•
акциядорлик жамиятларини стратегик бошқариш, бошқарув ходимларининг самарали
фаолиятини назорат қилишни таъминлашда акциядорлар, жумладан, миноритар
акциядорлар
ролини ошириш;
•
етакчи хорижий таълим муассасалари билан ҳамкорлик асосида бошқарув
ходимларини тайёрлаш ва уларнинг касб даражасини ошириш, шунингдек,
акциядорлик жамиятларида раҳбарлик лавозимларига чет эллик юқори малакали
менежерларни жалб қилиш.
Белгиланган вазифалар ва тадбирларни бажариш юзасидан корхоналарга тўғридан-тўғри
хорижий
инвестицияларни кенг жалб этиш, акциядорлик жамиятлари фаолиятининг
самарадорлигини тубдан ошириш, бўлажак инвесторлар учун уларнинг очиқлиги ва
жозибадорлигини таъминлаш, замонавий корпоратив бошқарув услубларини жорий қилиш,
корхоналарни стратегик бошқаришда акциядорлар ролини кучайтириш учун қулай шароитлар
яратиш мақсадида корпоратив бошқарувнинг ташкилий иқтисодий механизмини
такомиллаштиришнинг аҳамияти ва зарурлиги ортиб боради.
Ўзбекистонда маҳаллий компанияларнинг инвесторларга очилишини таъминлашда
юқорида қайд этилган корпоратив бошқарувнинг энг муҳим халқаро стандартларини миллий
хусусиятларни инобатга олган ҳолда қонунчиликка имплементация қилиш бугунги кундаги
энг долзарб масалалардан бири бўлиб ҳисобланади.
Бунинг натижасида, маҳаллий
компанияларда молиявий ҳисоботларнинг тўғрилиги ва очиқлигини ҳамда корпоратив
жавобгарлик ва аудиторлик ҳисобдорликни таъминлашга эришиш мумкин.
