|
“Ta’limda innovativ-kreativ texnologiyalarning qo’llanilishi, neyrolingvistik dasturlashningBog'liq Maqola 3 (207-211-bet)“Ta’limda innovativ-kreativ texnologiyalarning qo’llanilishi, neyrolingvistik dasturlashning
amaliy asoslari” mavzusidagi xalqaro konferentsiya 2021-yil, 27-dekabr
40
yashamoqdamiz. Bu davrda fan innovatsiyalari va kreativ texnologiyalaridan
foydalanish yoshlarning jamiyat hayotidagi faolligini yanada oshiradi. Ayniqsa,
malaka oshirish jarayonida pedagoglar o’z sohalaridagi innovatsion – kreativ
texnologiyalardan foydalanishni o’rgansalar umumiy o’rta ta’lim maktablarida
ta’limning sifati va samaradorligi yanada oshadi. O’z navbatida pedagog
xodimlarning malaka oshirish jarayoniga bo’lgan qiziqishlari ham ortadi. “Har
qanday ta’lim jarayoni samarali bo’lishi uchun u ta’lim oladigan shaxsning
qiziqish va ehtiyojlariga mos bo’lishi lozim… Pedagog – xodim malaka oshirish
kursiga, odatda yangilik olish, o’qitishning yangi metod va texnologiyalarini
o’zlashtirish, kasbiy ehtiyojlarini qondirish maqsadida boradi [4.5]
Bu maqsadga erishmoq uchun tarix darslarida milliy taraqqiyot bosqichlarini
“Kecha va bugun” tamoyili asosida qiyosiy tahlillar bilan o’rganish va o’rgatishni
tavsiya etamiz. Bunda tarix fani o’qituvchisi innovativ – kreativ texnologiya
asosida o’quvchilarni fan yangiliklarini o’zlashtirishga, yaratuvchilik va
ijodkorlikka undaydi.
Bunda mamlakatimizning sho’ro tuzumi va mustaqillik yillaridagi, ayniqsa,
keyingi 4-5 yil ichida Prezidentimiz Shavkat Mirziyoyev rahbarligida amalga
oshirilgan va erishilgan yutuqlarga tahliliy va taqqoslash usuli orqali yondashuv
yaxshi samara beradi. Haqiqat taqqoslanganda yaqqol ko’zga tashlanadi, albatta.
Quyidagi misollar fikrimizni dalillaydi: Mustabid tuzum sharoitida
O’zbekiston iqtisodiyotida davlat mulki monopolyasi va boshqaruvda ma’muriy
buyuruqbozlik siyosati kuchayib bordi. Natijada ishlab chiqarishning o’sish
sur’atlari, yangi mahsulot hajmi kamayib ketdi. Mehnat unumdorligi keskin
pasaydi. O’zbekiston go’yoki sobiq markazdan dotatsiya oladigan, qoloq,
boqimanda respublika sifatida ko’rsatildi. Aslida esa O’zbekistondan olib ketilgan
bir yillik paxta tolasining o’zidan 25 milliard rubl daromad olinib, dotatsiya
sifatida 2,5 milliard rubl berilgan, xolos.
Mustaqillik sharoitida esa keng ko’lamli ishlab chiqarishni yangilash, texnik
va texnologik jihatdan modernizatsiyalash, yuqori texnologiyali qayta ishlash
yo’nalishlarini qo’llab-quvvatlash, iqtisodiyot tarmoqlari uchun raqobatbardosh
muhitini yaratish, ichki va tashqi bozorda milliy tovarlar raqobatbardoshligiga
erishish, eksport tarkibi hamda geografiyasini kengaytirish mutlaqo yangi
bosqichga ko’tarildi. Mamlakat iqtisodiyotidagi tarkibiy o’zgarishlar, tovar va
moliya bozorlarida erkin raqobat muhitini shakllantirish hamda tadbirkorlarga teng
imkoniyatlar yaratish, makroiqtisodiy barqarorlik, ishbilarmon va tadbirkorlarning
haq-huquqlarini, ayniqsa, xususiy mulk daxlsizligini ta’minlash mustaqil
O’zbekistonda xalqimizning erkin va farovon yashashiga imkoniyat yaratdi.
|
| |
