3
“Ta’lim muassasalarida boshqaruv va o‘quv sifatini
takomillashtirish muammolari” – respublika ilmiy-amaliy konferensiyasi
JIZZAX DAVLAT PEDAGOGIKA UNIVERSITETI
06.12.2022
KIRISH SO‘Z
Sh.S.Sharipov
Jizzax davlat pedagogika universiteti rektori,
pedagogika fanlari doktori, professor
Tarixiy ahamiyatga ega bo‘lgan 2022 yil 21 iyundagi 289-son Prezidentimizning qarorlari
bilan pedagogik oliy ta’lim muassasalarining tubdan yangi tarmog‘i yuzaga keldi. Ushbu tarmoqqa
pedagog kadrlarni tayyorlaydigan 14 ta oliy ta’lim muassasasi kiritildi. O‘ziga xos yangi turkum
yuzaga keldi. Ushbu qaror bilan ta’lim muassasamizga universitet maqomi berilishi universitet
rahbariyati, professor-o‘qituvchilar uchun yangi mas’uliyatlar yuklaydi. Ushbu qarorda
belgilangan vazifalarni bajarish orqali universitet imijini yaratish navbatdagi muhim vazifalardan
biri hissoblanadi. Ta’lim sifatini yangi bosqichga olib chiqishda yangi ta’lim texnologiyalarini va
innovatsion metodlarni qo‘llash, boshqaruv tizimida ortiqcha byurokratik to‘siqlarni olib
tashlashda hamda inson omilini kamaytirish maqsadida raqamli texnologiyalarni joriy etish orqali
o‘z yechimini topadi, bu esa o‘z navbatida ta’lim mazmunida aks etadi. Shu bilan bir qatorda
xorijiy ta’lim muassasalarining tashkiliy boshqaruv tuzilmalarini o‘rgangan holda O‘zbekiston
ta’lim tizimi boshqaruviga joriy etish, kredit-modul tizimini bosqichma-bosqich to‘liq ta’lim
tizimiga joriy etish, ilmiy lobaratoriyalardan samarali foydalanish, iqtidorli talabalarning
g‘oyalarini ro‘yobga chiqarish, to‘g‘ri tashkil etilgan boshqaruv orqali yuqori reytingga, yuqori
reyting albatta sifatga ta’sir etishi, yuqori sifat esa taraqqiyotni belgilab beruvchi malakali
kadrlarni yetishtirib chiqishi uchun xizmat qilishi lozim.
2021 yil 24 dekabrda O‘zbekiston Respublikasi Prezidenti tomonidan oliy ta’lim tizimini
tub ijobiy o‘zgarishlarga olib keladigan oliy ta’lim muassasalariga moliyaviy, akademik va
tashkiliy-boshqaruvda mustaqillik berish borasidagi 2 ta muhim hujjat, ya’ni “Davlat oliy ta’lim
muassasalarining akademik va tashkiliy-boshqaruv mustaqilligini ta’minlash bo‘yicha qo‘shimcha
chora-tadbirlar to‘g‘risida” hamda “Davlat oliy ta’lim muassasalariga moliyaviy mustaqillik
berish chora-tadbirlari to‘g‘risida”gi qarorlari imzolandi. Ushbu qarorga ko‘ra oliy ta’lim
muassasasi va uning tuzilmasidagi ta’lim muassasalari uchun o‘z grafigi asosida darsliklar hamda
boshqa o‘quv va ilmiy adabiyotlarni yaratish va nashr etish, ta’lim sifatini ichki nazorat qilish
mexanizmlarini belgilash va joriy etish, tashkiliy-boshqaruvdagi mustaqillik sohasida:
faoliyatining asosiy yo‘nalishi ta’lim, ilm-fan, uning natijalarini joriy etish hamda tijoratlashtirish
bilan bog‘liq bo‘lgan, davlat budjeti mablag‘lari hisobidan moliyalashtirilmaydigan tarkibiy
tuzilmalar, tijorat va notijorat tashkilotlarni tashkil etish, oliy ta’lim muassasalari uchun
belgilangan normativlardan qat’i nazar muassasaning tuzilmasini tasdiqlash va shtat birliklari
sonini belgilash; mehnat bozoridagi ehtiyojdan kelib chiqib, yangi ta’lim yo‘nalishlari va
mutaxassisliklarni ochish, amaldagi ta’lim yo‘nalishlari hamda mutaxassisliklarni tugatish;
pedagog va boshqa xodimlarni ishga qabul qilish, ishdan ozod etish va ichki rotatsiyasiga oid
tartibni belgilash; xorijiy davlat fuqarolarini to‘lov-kontrakt asosida o‘qishga qabul qilish va
masofaviy ta’lim olish shaklida o‘qitishni tashkil etish kabi masalalarni ham ushbu anjumanda
atroflicha yoritilishi maqsadga muvofiq deb hisoblayman.
Bo‘lib o‘tadigan ushbu “Ta’lim muasssalarida boshqaruv jarayoni va o‘quv sifatini
takomillashtirish muammolari” mavzusidagi Respublika ilmiy-amaliy konferensiya ta’lim
muassasalari imijini yaratish uchun xizmat qiladi degan umiddaman. Ushbu konferensiya uzluksiz
ta’lim tizimidagi muammolarni qamrab olganligi bilan ham ahamiyatlidir. Maktabgacha va
umumta’lim boshqaruvining dolzarb muammolari o‘z yechimini topishda, oliy ta’limda ilg‘or
innovatsiyalarni joriy etishning pedagogik imkoniyatlari ochib berishda, ta’lim muassasalarida
o‘quv sifatini oshirish jarayoniga yangicha pedagogik texnologiyalarning tatbiq etishda hamda
ta’lim muassasalarida talaba qizlarni rahbarlik lavozimlariga tayyorlashning pedagogik
texnologiyalari joriy etilishida muhim ahamiyat kasb etadi.
|
