|
«kimyo texnologiya» fakulteti «oziq-ovqat texnologiyasi» kafedrasi «oziq ovqat mikrobiologyasi»
|
| bet | 56/80 | | Sana | 12.06.2024 | | Hajmi | 1,53 Mb. | | #262830 |
Bog'liq ООМ ва Б маърузаAtseton-butilli bijg‘ish moy kislotali bijg‘ishga yaqindir, ammo bunda butil spirti va atseton moy kislotasiga nisbatan ko‘proq hosil bo‘ladi. Yana vodorod, karbonat angidrid va etil spirti hosil bo‘ladi.
Atseton - etilli bijg‘ish ham moy kislotali bijg‘ishga yaqin bo‘lib, bunda atseton va etil spirti moy kislotasidan ko‘proq hosil bo‘ladi.
Pektin moddalarining bijgishi
Pektin moddalari o‘simliklar hujayralarining qobig‘i tarkibiga kiradi va hujayralarni bir-biriga yopishtirib, ularni bir butun to‘qima qilib birlashtiradi. Ho‘l meva, ildiz meva, o‘simlik barglari va shu kabilar pektin moddalariga boy bo‘ladi.
Bakteriyalar ta’sirida pektin moddalari bijg‘ib oddiyroq moddalarga parchalanadi, moy va sirka kislotalar, etanol, karbonat angidrid, vodorod va shu kabilar hosil bo‘ladi.
Pektin moddalarining bijg‘ishi tabiatda katta ahamiyatga egadir, negaki, u turli o‘simlik materiallarning emirilishiga sabab bo‘ladi. O‘simlik qoldiqlari mavjud bo‘lgan tuproq va suvda pektin moddalar doimo bijg‘ib turadi.
Zig‘ir va tolali boshqa o‘simliklarni suvda ivitganda pektin moddalarning bijg‘ishidan foydalaniladi.
Kletchatkaning anaerob sharoitda parchalanishi. Bizning planetamizdagi uglerodlarning yarmi sellyuloza (kletchatka) tarkibiga kiradi va uni nativ holda hayvonlar hazm qila olmaydi. Lekin kletchatka kuchli kimyoviy oksidlovchilar ta’sirida yoki maxsus sellyuloza parchalovchi fermentli kompleks ta’sirida oson parchalanadi.
Kletchatkaning anaerob sharoitda parchalanishini spora hosil qiluvchi bakteriyalar - batsillalar va klostridiyalar keltiradi. Bu bakteriyalar turli haroratlarda, shu bilan birga +600C da ham rivojlanadi. Ba’zilari uchun esa +650C optimal hisoblanadi (Clostridium thermocellum ning tipik vakillari).
Kletchatkaning anaerob parchalanishida moy va sirka kislotalari, etil spirti, metan, karbonat angidrid, vodorod hosil bo‘ladi.
|
| |
