|
«kimyo texnologiya» fakulteti «oziq-ovqat texnologiyasi» kafedrasi «oziq ovqat mikrobiologyasi»
|
| bet | 76/80 | | Sana | 12.06.2024 | | Hajmi | 1,53 Mb. | | #262830 |
Bog'liq ООМ ва Б маърузаNazorat savollari
Nima uchun uzib, yig‘ib olingan meva va sabzavotlar mikroorganizmlar uchun yaxshi ozuqa muhitidir?
Meva, sabzavotlarni saqlash muddatini uzaytirish uchun qanday sharoitlar yaratiladi?
Meva va sabzavotlar buzilishida epifit mikroflora ta’siri.
Meva va sabzavotlarni saqlashda eng taraqqiy etgan bakterial kasalliklarni ta’riflang.
Tuzlangan meva va sabzavotlar mikroflorasini ta’riflab bering.
Bankali konservalar qaysi mahsulotlardan, qaysi idishlarda va qanday qilib ishlab chiqariladi?
Konservalarning qoldiq mikroflorasi qaysi mikroorganizmlardan tashkil
topgan?
15- MA’RUZA
DON VA DON MAHSULOTLARINING MIKROBIOLOGIASYI
Reja:
1. Don mikrobiologiyasi
2. Non va non mahsulotlarining kasalliklari
3. Yorma, un va makaron mahsulotlarining mikrobiologiyasi
Don mikrobiologiyasi
Don qishloq xo‘jaligining asosiy mahsuloti hisoblanadi. U un va yormalarga qayta ishlanadi. Donda uglevodlar, oqsillar, yog‘lar, vitaminlar, mineral tuzlar va boshqa moddalar bo‘ladi. Suvning miqdori sabzavotlarga nisbatan ancha kam - 14 foiz bo‘ladi. Suvning nisbatan kamligi, unda ko‘p miqdorda mikroorganizmlar bo‘lishiga qaramasdan, mikrofloraning rivojlanishiga yo‘l qo‘ymaydi. Mikroorganizmlarning ko‘pchiligi donga hosilni yig‘ish vaqtida chang va tuproq qoldiqlaridan tushadi.
Don mikroflorasini asosan spora hosil qiluvchi tayoqchalar - batsillus subtilus (pichan tayoqchasi), batsillus mezenterikus (kartoshka tayoqchasi), batsillus mikoides, hamda sut va yog‘ kislotali bakteriyalar, ichak tayoqchasi va boshqalar tashkil qiladi. Bundan tashqari, donning yuzasi turli mog‘or zamburug‘larining sporalari bilan qoplangan, shu bilan birga donda achitqilar ham bo‘ladi.
Dondagi namlikning kamligi undagi mikroorganizmlarning ko‘payishiga yo‘l qo‘ymaydi va bunday holda ularni saqlashda turli o‘zgarishlar yuz bermaydi. Mikroorganizmlarning bir qismi noqulay sharoit bo‘lgani uchun nobud bo‘ladi, bir qismi esa o‘zining yashash xususiyatini yo‘qotmaydi. Donda namlikning oshishi bilan birinchi navbatda mog‘or zamburug‘lari, so‘ng namlik ko‘tarilgani sari bakteriya va achitqilar rivojlana boshlaydi. Shuning uchun namligi 13,5-15,5 foizdan oshmagan donlar saqlashga olinadi.
|
| |
