274
20.7-rasm. Boshqaruvchi ulanishlar va ma’lumotlarni ulash.
FTP-seans mijoz va uzoqdagi xost (server) orasida, 21-raqamli port orqali
boshqaruvchi TCP-ulanishni o‘rnatish bilan boshlanadi. Shuning uchun ulanishda
foydalanuvchi nomini va parolni uzatish, shuningdek kundalik katalogni va
fayllarni almashinish buyrug’i amalga oshiriladi. Server fayllarni uzatish va qabul
qilish buyrug’ini olgandan keyin u mijoz bilan ma’lumotlarni TCP-ulanishini
o‘rnatadi, so’ngra fayl almashinishni amalga oshiradi va ulanishni yopadi. Har bir
ulanish faqat bitta faylni uzatish imkonini beradi.
Kiritilgan terminologiyalarni nazarda tutgan holda ma’lumotlarni ulashni
doimiy bo‘lmagan ulanishlarga kiritish mumkin. FTP-seansi vaqtida server
foydalanuvchi haqidagi axborotga ega bo‘lishi kerak. Qoida bo‘yicha boshqaruvchi
ulanishlar foydalanuvchining maxsus hisoblash yozuvlari bilan bog‘liq. Bundan
tashqari, server foydalanuvchi ishlayotgan kundalik katalogni kuzatishi kerak.
Axborotlarni saqlash uchun resurslarni sarflash zarurati, serverni bir vaqtda
qo‘llab-quvvatlovchi FTP-seanslar sonini anchagina kamayishiga olib keladi.
HTTP bilan solishtirganda FTP protokolining kamchiligi ham ana shunda. Shuni
ham aytish joizki, HTTP ulanish holatini eslab qolmaydi.