225
modulyatsiya texnikasi o’zgarmaydi, signal-shovqin ko’rsatkichining o’zgarishi
hisobiga bit xatoliklar ko’payadi, kadrlar noto’g’ri qabul qilishni boshlaydi.
Shu sababdan 802.11 texnologiyasida kanalning holatiga bo’gliq ravishda
modulyatsiya turini o’zgartirib, tezlikni moslashtirish funksiyasi qo’shilgan. Agar
uzel ikkita kadrni ketma-ket uzatib tasdiq olmasa,
bunda tezlik keyingi quyi
ko’rsatgichgacha pasaytiriladi. Agar oxirgi 10 ta kadr uzatilganligi to’grisida tasdiq
kelsa, bu holatda taymerda belgilangan pasaytirish vaqti tugatiladi va tezlik
keyinggi yuqori ko’rsatgichgacha oshiriladi.Tezlikni moslashtirish texnikasi TCP
ning yuklama nazorati (congestion control) prinsipi bilan bir xil.
Tezlikni
moslashtirishning boshqa bir necha usullari ham keltirib o’tilgan.
Manbani boshqarish. Mobil qurilmalar uchun elektr ta’minoti juda muhim
resurs hisoblanadi. Shu sababdan 802.11 protokoli elektr manbani boshqarish
imkoniyatini beradi. Bunda kanalni tekshiruvchi funksiyalar, ma’lumotlar uzatish
va
qabul qilish, boshqa elektr qurilmalarning yonish vaqti minimal darajada
kamaytirilgan. Manbani boshqarish quyidagicha amalga oshiriladi. Uzel uyqu va
ish rejimiga o’tishi mumkin. Uzel o’zining uyqu rejimiga o’tishi
haqidagi xabar
kadrning mos sarlavhasiga 1 ni yozib ma’lum qiladi. Shundan keyin taymer kirish
nuqtasi unga rejlashtirilgan kadrni uzatishdan (kirish nuqtasi har 100 mks da kadr
uzatadi) oldin uyg’otadigan qilib vaqt belgilaydi. Kadrda yozilgan bit sababli
kirish nuqtasi uzel uyqu rejimiga o’tganligini biladi va unga kadr jo’natmaydi.
Buning o’rniga kadrlarni buferlaydi va keyinroq unga uzatadi.
Uzel kirish nuqtasi unga kadr jo’natmasdan oldin uyg’onadi va juda tez (250
mks) ish rejimiga o’tadi. Kirish nuqtasida n uzatilgan signal kadri buferdan
kadrlari saqlangan uzellar ro’yxatini olib keladi. Agar
uzelning buferda kadrlari
bo’lmasa, uzel yana uyqu rejimiga qaytadi. Boshqa holatda uzel so’rov xabarini
(polling message) yuborib, buferlangan kadrlarni so’raydi. Signal kadrlarini
uzatish uchun 100 mks, uyg’onishga 250 mks, xuddi
shuncha vaqt buferdagi
kadrlarni tekshirishga ketadigan bo’lsa, uzel ish vaqtining 99 foizida uyqu rejimida
qolishi mumkin. Bu esa o’z navbatida energiya sarfini anchagina kamaytiradi.
