|
Lokal şəbəkələrin topologiyaları
|
bet | 6/11 | Sana | 20.05.2023 | Hajmi | 423.5 Kb. | | #62630 |
Bog'liq kompüter şəbəkələriLokal şəbəkələrin topologiyaları
Lokal şəbəkələrin müxtəlif yaradılma texnologiyaları işləndiyindən onların oxşar və fərqləndirici cəhətlərinin nəzərə alınması vacibdir. Bu texnologiyalar arasında ümumi cəhətləri anlamaq üçün hər bir şəbəkəni, onun topologiya və ya ümumi formasına uyğun olaraq konkret kateqoriyaya aid edirlər.
Topologiya – lokal şəbəkənin forma və strukturunu qrafiki əks etdirən nəzəri bir konstruksiyadır.
Lokal şəbəkələrin topologiyalarını həm fiziki, həm də məntiqi nöqteyi-nəzərdən təsvir etmək olar.
Fiziki topologiya – lokal şəbəkənin komponentlərinin həndəsi yerləşməsini təsvir edir.
Məntiqi topologiya – qarşılıqlı əlaqə yarada bilən şəbəkənin son nöqtələri arasında mümkün olan birləşmələri əks etdirir.
Bu informasiya son nöqtələr cütü arasında birbaşa fiziki birləşmələrin mövcudluğunun təyin edilməsi zamanı və bir-biri ilə qarşılıqlı əlaqə yarada bilən son nöqtələrin təsviri zamanı faydalı ola bilər.
Kompüter şəbəkəsinin topologiyası dedikdə, şəbəkənin kompüterlərinin fiziki yerləşməsi və onların rabitə xətləri vasitəsi ilə birləşməsi üsulu başa düşülür.
Qeyd etmək lazımdır ki, topologiya anlayışı lokal şəbəkələrə aiddir, belə ki, burada əlaqələrin strukturunu asanlıqla izləmək olar.
Qlobal şəbəkələrdə əlaqələrin strukturu istifadəçilərdən gizli qalır.
Topologiya – avadanlığa qoyulan tələbləri, istifadə olunan kabelin növünü, mübadilənin idarəolunmasının daha rahat üsulları, işin etibarlılığını, şəbəkənin genişlənməsi imkanlarını təyin edir.
İstifadəçi tərəfindən şəbəkənin topologiyasının seçilməsi tez-tez baş verməsə belə, o, əsas topologiyaların xüsusiyyətlərini, onların müsbət və mənfi cəhətlərini bilməlidir.
|
|
| |