|
Kompyuter grafikasi va dizayn
|
| bet | 8/10 | | Sana | 21.05.2024 | | Hajmi | 40,68 Kb. | | #248901 |
Bog'liq Baratova Yuliya kurs ishiVideotexnologiyani ta’minlovchi kompyuter vositalari
Videoaxborot bilan ishlash uchun funktsional jihatdan rang-barang jihozlarga ega bo‘lish kerak.
Videoplata – bu, xususan, «Videoterminallar» bo‘limida oldin ko‘rib o‘tilgan videoadapterdir, lekin «tirik video» ni qo‘llash uchun unda katta miqdordagi videoamallarning bajarilishini tezlashtiruvchi grafik akseleratsiya mikrosxemasi bo‘lishi kerak (umuman olganda mikrosxema-akselerator alohida platada ham joylashishi mumkin; kompyuterda MMX tipidagi mikroprotsessorlarni ishlatganda bu mikroprotsessorlar videoamallarni tezlashtirishni o‘ziga oladi, lekin akselerator videoplatada ham xalaqit bermaydi).
Videoplatani (videoadapterni) videoaxborot bilan ishlash uchun tanlashda birinchi navbatda quyidagilar talab qilinadi: o‘tkazish qobiliyati, ranglar soni va akseleratsiyaning zarurligini hisobga olish.
Videoqamrash platasi (videograbber) video kadrlarni ushlash, ularni o‘zgartirish (shu jumladan raqamlashni ham) va kompyuter xotirasiga yozishni bajaradi.
Videoqamrash platalari ikki xil bo‘ladi.
Birinchi tip – «kadr grabberlari» (frame grabber) ko‘zg‘almas tasvirlarni ushlash uchun mo‘ljallangan.
Ikkinchi tip platalar — «ushlash platasi» (capture board) bir butun videofilmlarni qamrab olishi mumkin. Ular kompyuterga videokameradan yoki videomagnitofondan, tyuner bor bo‘lganda esa antennadan ham alohida televizion kadrlarni olish va ularning bog‘langan ketma-ketliklarini kelgusida qayta ishlash va printerga yoki video qayta chiqarishga imkon beradi.
Videosignalni raqamlashda axborotning katta to‘plamlari (massivlari) shakllanadi. Shuning uchun jarayon dinamikasi bilan jiddiy muammolar paydo bo‘ladi, negaki o‘tkazish qobiliyati 1024x750 piksellar bo‘lgan bitta 256 ta rangli to‘liq ekranli tasvirni jo‘natish uchun 1 Mbaytdan ortiqroq qiymatlarni uzatish kerak bo‘ladi, 10 va undan oshiqroq sekund talab etilishi mumkin. hatto 640x480 piksellar bo‘lgan kuchsiz o‘tkazishda qiymatlar sig‘imi baribir katta – 0,5 Mbaytdan sal kamroq.
Shuning uchun kadrlar o‘lchamlari videoqamrash platalari bilan kichraytiriladi: masalan, butun ekranning o‘tkazish qobiliyati 640x480 bo‘lganda kadr 80x60, 1b0x 120 (odatda video uchun Windows muhitida ishlatiladigan ekranning o‘n oltidan bir qismi), 240x180 yoki 320x240 o‘lchamga ega bo‘ladi (hammasi piksellarda). Yuqori sifatli platalar (Creativ Lab Video Blaster va boshqalar) mavjuddir, ular videokadrlarni to‘liq ekranga chiqarib berishi mumkin, lekin ular ham, odatda, to‘liq ekranli qamrashni amalga oshira olmaydi.
Videofayllarning sig‘imi katta bo‘lganligi sababli, ular uzatishda va xotiraga yozishda siqiladi (videoma‘lumotlarni kompressiya qilish bajariladi); rasmni qayta tiklashda teskari jarayon – dekompressiya bajariladi. Hozirgi vaqtda ma‘lumotlarni siqishning ham dasturli, ham apparat yo‘li bilan amalga oshiriladigan bir nechta usullari mavjud. qiymatlarni siqish vositalarini odatda CODEC deb ataladi (CODEC— Compressor-Decompressor).
Ikkinchi tipdagi videoqamrash platalari, ko‘rsatilgan kiyinchiliklarga qaramasdan, haqiqiy vaqt oralig‘ida dinamik tasvirlarni – "tirik video" ni yaratish va qayta ishlash bo‘yicha keng istiqbollar yaratadi.
Videotexnologiyaning apparat vositalariga umumqabul qilingan standartlar hozircha ishlab chiqilmagan, shuning uchun boshqarish (videoadapter), videosignalni qayta ishlashni tezlashtirish (akseleratorlar), videokadrlarni ushlash (videograbberlar) va ma‘lumotlarni siqish vazifalarini birdaniga bir nechta vazifalarni ta‘minlovchi alohida platalar ham, integrallashgan platalar ham bajaradi. Bu jihatdan Intel Video texnologiyasi maqbuldir, u video bilan shaxsiy kompyuterda samarali ishlash imkonini beradi.
|
| |
