|
Tuxumdonning vazifasi quyidagilardan iborat
|
| bet | 8/9 | | Sana | 14.04.2023 | | Hajmi | 50.35 Kb. | | #51129 |
Bog'liq Marfologiya Ma\'ruza№13 xamdamov iti prezintatsiya new, 46-51, Harbiy psixologiya va pedagogika asoslari, 1-Topshiriq(1), 10 - маъруза (4), Планы, Тақдимот учун-2, Mavzu Ochlovchi moddalar saqlagan dorivor simliklar, Bug‘latish qurilimalarining klassifikatsiyasi Tayanch iboralar , 1 БОБ (1), 2-Mavzu Zamonaviy kompyuter va ularning arxitekturasi. Reja-fayllar.org, 18.04.2023 maktab to\'garak, Psixologiya, result-1Tuxumdonning vazifasi quyidagilardan iborat:
- urug’ hujayrasi bilan otalanishga tayyor tuxum hujayrasini ishlab chiqish;
- estrogen va progesteron gormonlarini ishalb chiquvchi endokrin bez vazifasini bajarish;
Bir juft tuxumdon bo’lib, ular qorin bo’shlig’ining yuqorigi tomonida joylashadi. Tuxumdon buyraklarga yaqin, paylarga osilgan holatda joylashadi. Bu joyda juda ko’p silliq muskullar bo’lib, homiladorlik davrida homilaning og’irligini ko’tarish uchun cho’zilish imkonini beradi.
Tuxumdon qorin pardasining ichki tomonida osilgan bo’lib, mezoovarium deb yuritiladi. Qorin pardasi bachadon nayi shokilasini ham qoplab oladi. Mezoovarium cho’ntak shaklida bo’lib, tuxumdon bursasi sifatida ma’lum bo’lib, tuxumdonni to’liq qoplab oladi. Uning ichida uncha katta bo’lmagan teshik bo’lib, tuxum hujayrasini tuxumdondan chiqishini ta’minlaydi, bu qorin bo’shlig’iga infeksiya kiradigan potensial joy hisoblanadi.
Tuxumdon to’qimasi biriktiruvchi to’qimasi, silliq muskul to’qimalari va qon tomirlar kapillyarlari bo’lib, unda ko’p miqdorda murtak hujayralar va rivojlanayotgan follikulalar mavjud. Yetilmagan hayvonlarda har bir tuxumdon silliq ovalsimon shaklda bo’lib, jinsiy voyaga yetgan davrda esa tuxumdon sharsimon kiradi, follikulalar kengayib, yuzaga chiqadi.
Tuxum yo’li - tuba uterine s. oviductus egri naycha bo’lib, tuxumdon bilan bachadon shoxi o’rtasida joylashadi. U tuxumdonda yetilgan tuxum hujayralarni bachadonga o’tkazish uchun xizmat qiladi. Tuxum yo’lining oldingi, tuxumdonga yopishgan qismi voronkali o’xshash kengaygan joy - infundubulum tubae uterinae hosil qiladi. Uning kertikli joyi tuxum yo’lining shokilasi - fimbria tubae deyiladi. Shokilaning bir oz qismi tuxumdonga qo’shilib, tuxumdon shokilasi - fimbria ovarica ni hosil qiladi, unga yetilgan tuxum tushib turadi. Tuxum yo’lining devori uch qavatdan: ichki – shilimshiq, o’rta muskul va tashqi – seroz qavatlardan tuzilgan: ichki qavat tebranuvchi epiteliy hujayralari bilan qoplangan bo’lib, ular sekin harakatlanishi natijasida, tuxum hujayrani tuxumdondan bachadon tomon haydaydi. Seroz parda tuxumdon pardasining davomi bo’lib, tuxumdon burmasi (tuxumdon pardasi) - mesosalpinx deyiladi. Bu parda bachadonning keng payi - lig. latum uteri dan kelib chiqadi. Tuxum yo’lining orqa qismi bachadon teshigi - ostium uterinum tubae ni hosil qilib tugaydi. Tuxum yo’lining uzunligi sigirlarda 21 – 28 sm, kavsh qaytaruvchi mayda hayvonlarda 14 – 26 sm, biyalarda 10 – 30 sm, cho’chqalarda 15 – 30 sm, itlarda 4 – 10 sm gacha bo’ladi.
Bachadon nayi tuxum yo’li sifatida ma’lum bo’lib, uning vazifasi quyidagilardan iborat:
- Graaf pufakchasini yorilishi natijasida chiqqann tuxum hujayralarini yig’ishtiradi;
- tuxum hujayralarini tuxumdondan bachadon shoxlariga o’tkazadi;
- tuxum hujayrasi va spermatozoidlarni yashashi uchun qulay sharoitni yaratadi.
Har bir tuxum yo’li tuxumdonga birlashib turuvchi egri-bugri tor naycha ko’rinishida bo’ladi. Uning ochiq uchi voronkasimon shaklda bo’lib, voronka deb yuritiladi. U barmoqsimon tarmoqlangan bo’lib, tuxumdonning butun yuzasiga tarqaladi va ajralib chiqqan tuxum hujayralarni tutib olish va ularni tuxum yo’lining ichiga yo’naltiradi. Tuxum yo’lining ichki yuzasi silindrsimon tebranuvchi epiteliy bilan qoplangan bo’lib, ushbu kiprikchalar tuxum hujayrasini tuxum yo’lidan bachadon shoxi tomonga haydaydi
Bachadon - uterus s. metra kovak organ bo’lib, unda homila rivojlanadi. Bola tug’ishga qarab hayvonlar bachadoni har xil: masalan, ko’p bola tug’adigan hayvonlarda (cho’chqalar va itlarda) uzun hamda ko’p burmali bo’ladi. Sut emizuvchi hayvonlarning bachadoni tuzilishiga qarab 4 tipga bo’linadi.
Qo’shaloq bachadon - uterus duplex ning o’ng va chap qismi saqlanib, bularning har biri bachadon qiniga ayrim teshikchalar bilan ochiladi. Ba’zi kemiruvchilarda (quyon), fillarda va boshqalarda ana shunday bachadon bo’ladi.
Ikkiga bo’lingan bachadon - uterus bipartitus ning qo’shaloq bachadondan farqi shuki, uning har ikkala qismi bir – biriga yaqinlashib, bachadon qiniga bitta teshik bilan ochiladi. Kemiruvchilar bachadoni ana shunday bo’ladi.
Ikki shoxli bachadon - uterus bicornis ning ikkala qismi bir – biriga birlashib, bachadon tanasini hosil qiladi, tanasidan ikkita shoxcha chiqib turadi. Bu bachadonning shoxi - cornea utera, tanasi - corpus uterus va bo’yni - collum uterus bo’ladi. Bunday bachadon hamma qishloq xo’jaligi hayvonlarida bo’ladi.
Oddiy bachadon - uterus simplex ning o’ng va chap qismi bir – biriga qo’shilib ketadi. Tuxum yo’li ikkitaligicha qoladi. Bunday bachadon yuqori hayonlar va odamlarda bo’ladi.
Ikki shoxli bachadon juft shox - cornua uteri, tana - corpus uteri hamda bo’yin - cervix uteri s. collum uteri dan iborat bo’lib, shoxi va tanasi bo’shliq - cavum uteri hosil qiladi. Bachadon anchagina qalin bo’lib, orqa qismi bachadon qiniga tug’ma shaklda ochiladi. Bachadon uch qavatdan: ichki – shilimshiq parda, o’rta – muskul parda va tashqi – seroz parda qavatlardan iborat.
Shilimshiq parda - endometrium silindrsimon epiteliy hujayralari bilan qoplangan, unda naysimon bezlar - gelandula uteri bor. Shilimshiq parda hayvonlarda har xil burma hosil qiladi.
Muskul parda - muometrium silliq muskul to’qimasidan iborat bo’lib, ularning tanasi ikki tomonlama: tashqisi uzunasiga, ichkisi aylanasiga joylashadi. Muskul qavati bachadon bo’ynida ayniqsa yaxshi rivojlanib, sfinkter hosil qiladi. Sfinkter faqat hayvonlar kuyukkanda va tug’ishi vaqtida ochiladi.
Seroz parda - perimetrium tashqi parda bo’lib, u bachadon pardasi va keng pay bilan qo’shiladi va bachadonni tutib turish uchun xizmat qiladi. Bu pardalar orqali bachadonga qon tomirlari va nervlar boradi. Bachadonning tuzilishi hamma hayvonlarda bir xil bo’lmaydi. Qoramollarda spiral shaklida buralgan, xuddi qo’y shoxiga o’xshash bo’ladi. har ikkala shox o’rtasida shoxlararo pay - lig. Intercornuale bor. Bachadon bo’yni anchagina qalin (7 - 11) bo’ladi.
Bachadon shoxlari va tanasining shilimshiq pardasida to’rt qator joylashgan karunkulalar (so’galsimon o’siqlar) bo’lib, ularga yo’ldoshning tuklari kiradi, o’sayotgan bola kerakli oziqni ana shu tuklar orqali oladi. karunkulalar har qatorda 10 – 14 gacha bo’ladi. bachadon tos bo’shlig’ida to’g’ri ichak ostida joylashadi. Qo’y va echkilar bachadoni ham qoramollarnikiga o’xshash bo’ladi. cho’chqalar ko’p tug’ishi sababli bachadoni juda uzun – 2 sm gacha bo’lib, ichaksimon o’ralib joylashadi, uning tanasi kalta, bo’yni esa anchagina uzun. Bachadon bo’yni bachadon qiniga qo’shilib ketadi, uning shilimshiq pardasida 14 – 20 ta yon do’mboqcha bo’ladi. biyalar bachadoni anchagina oddiy tuzilgan bo’lib, shoxi tanasidan bir oz uzun, bo’yni yo’g’on, qinga ochiladigan teshigi – ostium uteria externum uzun burma shaklidagi shilimshiq parda bilan o’ralgan bo’ladi. bachadon III – IV bel umurtqalari ro’paasida joylashgan bo’ladi.
Bachadon qorinning yuqorigi qismining o’rta liniyasida yotadi. Homiladorlik davrida bachadon pastki tomonga tortiladi va bu davr mobaynida qorinning kata qismini egallaydi. Bachadonning vazifasi quyidagilardan iborat:
- o’sayotgan embrion rivojlanishi uchun bo’shliq hosil qiladi;
- embrionlarni yashashi uchun qulay sharoit yaratib beradi;
- rivojlanayotgan embrionlarni plasenta orqali oziq moddalar ta’minlaydi.
Bachadon ikki qismdan iborat. Juft bachadon shoxlari tuxum yo’li bilan birlashgan bo’ladi. Har bir shox bachadon tanasi uzunligidan taxminan 5 marta katta. Bachadonning ikkala shoxi qisqa markaziy tana hosil qilib bir-biri bilan birlashadi
Bachadon bo’yinchasi qisqa, qalin devorli sfinkteri mavjud bo’lib, u bachadon tanasini qish bilan bog’laydi. Qisqa bo’yincha zich yopilgan holatda bo’lib, u faqat sperma yoki emrionni o’tishi uchun ochiladi. Homiladorlik davrida bu yo’l mukoid modda bilan qoplangan bo’lib, infeksiya tushishidan himoyalaydi. Homilador bo’lmagan hayvonlarda bachadon bo’yinchasi kichik tos bo’shlig’ida joylashadi, ammo homiladorlik davrida u oldingi pastki tomonga tosning yuqorigi chetiga tortiladi
Qin - vagina parda – muskulli naycha bo’lib, jinsiy qo’shilish organi va tug’ish yo’li hisoblanadi. Qinning orqa qismi qin dahliziga ochiladi. Uning har ikkala qismi siydik chiqarish kanali teshigi bilan chegaralanib turadi. Qinning shilimshiq pardasi ko’p qavatli epiteliy hujayralari bilan qoplangan, bezsiz bo’ladi. shilimshiq parda har xil burma hosil qiladi. Muskul qavati ichki aylana va uzunasiga joylashgan tashqi tolalardan iborat. Qinning ustki yuzasi seroz parda bilan qoplangan. Sigirlar qini 22 – 28 sm, cho’chqalar qini 10 – 12 sm keladi va hokazo. Umuman, hayvonlar qini ularning katta – kichikligiga bog’liq bo’ladi.
Siydik – jinsiy dahlizi - sinus urogenitalis s. vestibulum vagina urg’ochi hayvonlar jinsiy organining eng keyingi bo’limi bo’lib, tashqi lablar bilan tugaydi. Dahlizning shilimshiq pardasi ko’p qavatli epiteliy hujayralari bilan qoplangan. Unda limfa tugunlari va pastki tomon bezlari - gl. Vestibularis ventrales bo’ladi. Muskul qavati dahlizni siquvchi silliq muskul tolalaridan iborat. Qoramollar dahlizidagi bezlar klitor yoniga ochiladi, ularda yon bezlar ham bor. Cho’chqalar dahlizining yon g’ovak to’qimalari bo’ladi.
Bir tuyoqlilarda pastki va yon tomon bezlar - gl. Vestibularis ventrales et laterales bo’lib, ular bir nechta teshikcha bilan ochiladi.
Urg’ochi hayvonlarning tashqi jinsiy organlari – ikkita jinsiy labdan va erkaklik jinsiy a’zoning qoldig’i – klitordan iborat. Jinsiy lablar bir – biri bilan birlashib, tashqi jinsiy a’zo - vulva ni hosil qiladi. Jinsiy lablar - labia pudenda teri burmasidan iborat bo’lib, uning asosida siquvchi muskullar - m. constrictor vulvae joylashadi. Terisida siyrak jun, ter hamda yog’ bezlari bo’ladi. ular ko’p qavatli epiteliy bilan qoplangan.
Klitor - clitor serteshik (g’ovak) tanadan tuzilgan bo’lib, uning oyoqchalari, uchi va tanasi bor. Oyoqchalari quymich bo’rtiklariga birlashadi, uchi jinsiy lablardan yuqoriroq turadi. Sigirlar klitori 12 sm, biyalarniki 6 – 8 sm bo’ladi. klitorning uchida chuqurcha bor. Bu organda sezuvchi nervlar juda ko’p bo’ladi.
|
| |
