93
Aniq va ravshan rejaning mavjudligi.
Rejalar nazorat uchun asos bo„lib
xizmat qilishi uchun mazmunli, aniq tarkiblangan va qayd qilingan bo„lishi zarur.
Agar juda tez-tez va yuz berayotgan o„zgarishlarni nazorat qilish muolajasini
qo„llamagan holda yangilanaversa, bunday holda loyiha ustidan umumiy nazorat
yo„qolishi mumkin.
Hisobotning axborot tizimining mavjudligi.
Hisobotlar boshlang„ich rejaga
nisbatan yagona yondashuvlar asosida loyihaning holatini yoritishi zarur. Buning
uchun hisobotlarni tayyorlash va olish muolajalarini aniqlash va soddalashtirish,
shuningdek, barcha hisobotlar uchun aniq vaqt oraliqlarini o„rnatish zarur.
Hisobotda taqdim etilgan natijalar yig„ilishda muhokama qilinishi zarur.
Aniq ko„rsatkichlar va tendentsiyalar tahlili samarali tizimining
mavjudligi.
To„plangan ma‟lumotlarning tahlili natijasida loyiha rahbariyati joriy
holatning rejalashtirilganiga mosligini, agar mos kelmasa, miqdorlarini hamda
rejadan farqlarning oqibatlari muhimligini aniqlashi zarur. Tahlil uchun asosiy
ko„rsatkichlar vaqt va qiymatdir.
E‟tibor berishning samarali tizimining mavjudligi.
Nazorat jarayonning
yakuniy qadami bo„lib, loyiha ishi davrida rahbariyat tomonidan qabul qilinadigan
va farqlarni bartaraf etishga yo„naltirilgan harakatlar hisoblanadi. Bu harakatlar
aniqlangan kamchiliklarni tuzatishga va loyiha doirasida salbiy tendentsiyalarni
chetlab o„tishga yo„naltirilgan bo„lishi mumkin, ammo qator holatlarda rejani
qayta ko„rib chiqish talab qilinadi.
Odatda, loyihani boshqarishda uchta asosiy miqdoriy tavsif – vaqt, ish hamda
qiymatnazorat qilinadi. Bundan tashqari, rahbariyat ishlar mazmuni, sifati va
tashkiliy tarkiblarini boshqarishga javobgardir.
