|
Tajriba. Benzol va toluol aralashmasini fraksiyalarga bo‘lib haydash
|
| bet | 75/131 | | Sana | 19.01.2024 | | Hajmi | 9,69 Mb. | | #141266 |
Bog'liq Органик кимё мажмуа.docx 2023 y (2)Tajriba. Benzol va toluol aralashmasini fraksiyalarga bo‘lib haydash. 200 ml hajmli tubi yumaloq kolbaga 50 ml benzol va 50 ml toluol quyiladi. Aralashma bir tekis qaynashi uchun kolbaga bir nechta chinni bo‘lakchalari solinadi. Haydash suyuqlik yig‘gich kolbaga minutiga 30-40 tomchidan tushadigan qilib bir me’yorda olib borilishi kerak. Haydalayotgan suyuqlik uch qism qilib, ya’ni qaynash temperaturasi 80-90 oC, 90-100 oC va 100-110 oC li fraksiyalarga bo‘lib yig‘iladi.
Birinchi fraksiya asosan benzoldan, ikkinchisi benzol va toluol aralshmasidan va uchinchisi esa asosan toluoldan iborat. Ajratib olingan fraksiyalar yana qaytadan haydaladi.
Sanoatda fraksion haydash rektifikatsion kolonkalarda bajariladi.
Suv bug‘i bilan haydash. Bu usulda suvda kam eriydigan yoki erimaydigan, suv bilan ta’sirlashmaydigan, yoki qaynash temperaturasida parchalanadigan moddalar haydaladi.
S uv bug‘i bilan haydashda suv alohida kolbada qaynatilib naycha orqali haydash kolbasiga yuboriladi. Haydash vaqtida haydash kolbasi ham qizdirib turiladi. Suv bug‘i aralashma orqali o‘tib o‘zi bilan birgalikda uchuvchan moddalarni olib chiqib ketadi. Bug‘lar sovutkichda kondensatlanib yig‘gich kolbaga yig‘iladi. Haydash sovutkichdan toza suv o‘ta boshlaguncha davom ettiriladi.
Tajriba. Anilinni suv bug‘i bilan haydash. Tubi yumaloq kolbaga 30 ml texnik anilin va 70 ml suv quyiladi. Unga suv bug‘i hosil qiluvchi kolbadan suv yuboriladi. Bunda suv bug‘i bilan anilin ham haydala boshlaydi. Yig‘gich idishda suv va anilinning emulsiyasi to‘planadi va asta sekin anilin qatlami ajrala boshlaydi. Anilinni to‘la ajratib olish uchun haydab olingan aralashma osh tuzi bilan to‘yintiriladi va eritmadan anilin dietil efiri bilan uch marta ekstraksiya qilinadi. Efirli ekstrakt uyuvchi kaliy bilan quritiladi, filtrlandai va suv hammomida efir haydaladi. So‘ng havo sovutkichi yordamida anilin haydaladi. Uning qaynash temperaturasi 184,5oC.
|
| |
