|
Май 2021 10-қисм Тошкент май 2021 йил. Тошкент: «Tadqiqot», 2021. 202 б
Pdf ko'rish
|
| bet | 105/194 | | Sana | 29.09.2024 | | Hajmi | 3,67 Mb. | | #272877 |
Bog'liq 10.Pedagogika yonalishi 1 qismKalit so’zlar:
bolalar adabiyoti, she’r, badiiyat, g’oya, tasviriy vositalar, poetic fikr.
Odam jismonan baquvvat, bilimli, har ishda chaqqon, epchil bo’lishi mumkin. Ammo
oqko’ngil, iymon-e’tiqodli, insonparvar, yurtparvar bo’lmasa, hayotda o’zidan yaxshi nom,
yaxshi iz qoldirolmaydi. Adabiyot va san’at bolaning ana shunday go’zal tuyg’ular, fazilatlar
sohibi bo’lib shakllanishida muhim ahamiyat kasb etadi. Bunda, ayniqsa, bolalar adabiyoti va
uning jonkuyarlarining xizmati kattadir. Bolalar adabiyotida Quddus Muhammadiy, Qudrat
Hikmat, Xudoyberdi To’xtaboev, Tursunboy Adashboyev, Anvar Obidjon, Kavsar Turdieva,
Abdurahmon Akbar, Dilshod Rajab kabi shoir va yozuvchilarning bolajonlarga tuhfa etgan asarlari
adabiyotimizda salmoqli o’rin tutadi.
O`zbek bolalar adabiyotining taniqli vakillaridan biri Tursunboy Adashboyev «Kamolning
olmasi», «Biz sayohatchilar», «Olatovlik bo‘laman», «Arslonbob sharsharasi», «Surnay», «Nur
daryo», «Guldasta», «Olatog‘-lolatog‘», «Oqbo‘ra to‘lqinlari», «Sovg‘a», «Arslonbob afsonasi»,
«Sichqonning orzusi», «Uch bo‘taloq va sirli qovoq», «Orzularim — qo‘sh qanotim», «Oltin yolli
tulpor qissasi» kabi asarlari bilan bolalarning sevimli adibiga aylangan.
Bolalar adabiyotining iste’dodli vakili Tursunboy Adashboyev ijodida Vatan va tabiat mushtarak
tushunchalar sifatida talqin qilinadi. Asarlarining lirik qahramoni Vatanni tabiatdan, tabiatni Vatan-
dan ayri tushunmaydi. U Vatan haqida so’z ochadimi, tabiat haqida fikrlaydimi – quruq ta’rifu
tavsifdan qochadi. Aksincha, biror manzara-holat tufayli o’zida tug’ilgan hayrat tuyg’usi bilan
o’rtoqlashadi.
Tursunboy Adashboyevning “Momaqaymoq”, “Turnalar”, “Yalpiz” kabi she’rlari tabiat
mavzusida bo’lib, shoirning “Yalpiz” she’rida ona tabiatning bir bo’lagi – o’simliklar dunyosidagi
yalpiz va uni terish tasviri orqali ijodkorning badiiy mahorati namoyon bo’ladi:
Onam ishdan qaytdilar,
Yalpiz ter deb aytdilar.
Anhor bo’yiga chopdim,
Bir chelak yalpiz topdim.
Sizga aytsam chin so’zim,
Terganim yo’q bir o’zim.
Rahmat aytdim Boqiga,
Qoyil dedim Soqiga.
Yalpiz solsa qurt tushmas
Olma, o’rik qoqiga…
Shoir she’rida do’stlik, ahillikni ulug’lab, bolalarni do’stlashishga ham chorlaydi. Ma’lumki,
qadimdan buvijonlarimiz qoqilarni tayyorlayotgan paytda yalpizdan foydalanganlar. Bolalar she’r
orqali tabiatning ne’mati bo’lgan yalpizning xususiyatlarini bilib oladilar. Shoir “yalpiz” o’sim-
ligi orqali bolalarni Ona tabiatni asrashga, o’simliklar, tabiat haqida chuqurroq o’ylashga, tabiat
ne’matlarini asrashg o’rgatadi.
Tursunboy Adashboyevning “Tuproq” she’rida necha asrlar osha ajdodlarimizdan meros, kin-
dik qonimiz to’kilgan, rizq-ro’zimizni but qilgan muqaddas tuprog’imiz ulug’lanadi. Shu o’rinda
O’zbekiston xalq shoiri Abdulla Oripovning “Men nechun sevamman O’zbekistonni, Tuprog’in
ko’zimga aylab to’tiyo” satrlari go’yo shu she’rga hamohangdek tuyuladi.
|
| |
