Mavzu: Maktab kutubxonalari xizmatini ko‘rsatishda multimedia resurslarini o‘rni
Reja:
1.Avtomatlashtirilgan kutubxona tarkibi.
2.Kutubxonalarda MARC formatlarining yaratilishi tarixi
3.O‘quvchilarni kitobxonlikka qiziqtirishda multimedia, elektron materiallar va elektron resurslardan foydalanish.
4.ZiyoNET —axborot taʼlim tarmogʻidir.
5.Xulosa.
6.Foydalanilgan adabiyotlar.
Tayanch iboralar: Avtomatlashtirilgan kutubxona, telekommunikatsiya vositalari, kompyuterlar, serverlar, tashkiliy-texnika vositalari, dasturiy komplekslar, MARC formatlari, multimedia, elektron materiallar , ZiyoNET.
Mavzuning maqsadi: Axborot-kutubxona muassasalarida zamonaviy texnologiyalarning tatbiq etilishi, amalda olib borilayotgan ish ko‘lamining dolzarbligi hozirgi kunining asosiy vazifasi hisoblanadi. Kutubxona
texnologiyalarini avtomatlashtirishda dasturiy ta’minotning o‘rni. Avtomatlashtirilgan kutubxona-axborot tizimi (AKAT) o‘zaro yagona ma’lumotlar bazasi orqali bog‘langan bir necha (dasturiy, texnik, axborot, lingvistik, tashkiliy-texnologik va kadrlar) ta’minotlardan iborat.
Avtomatlashtirilgan kutubxona tarkibi.
XX asr oxirlaridan yuz bera boshlagan «axborot inqilobi» kutubxonalar faoliyatiga ham sezilarli ta’sir ko‘rsatmoqda. Bu ta’sir natijasida kutubxonalar borgan sari ko‘proq zamonaviy axborot texnologiyalari bilan ta’minlanib, axborot resurslari markazlariga aylanib bormoqda. Kutubxonalarda xizmat ko‘rsatish turlari ham keskin kengaydi: Internet tarmog‘idan foydalanish, axborot-tahliliy materiallarni jamlab berish, kutubxona kataloglarining elektron ko‘rinishi va to‘liq matnli ma’lumotlar bazalarini kitobxonlarga taqdim etish shular jumlasidandir.
Kerakli axborotni olish uchun yangi axborot texnologiyalaridan foydalanilganda manbalarni qidirib topish imkoniyati yuz martalab oshadi. Telekommunikatsiya vositalarini qo‘llash esa axborot manbaining qanday masofada turganidan qat’iy nazar unga tezkorlik bilan ega bo‘lish imkoniyatini yaratadi. Bu yerda gap kutubxonalarda avtomatlashtirish va tashkiliy-texnika
vositalarini qo‘llash orqali ularni axborot resurslari markazlariga aylantirish haqida bormoqda. Bunday yangi turdagi kutubxonalar «elektron kutubxona», «virtual kutubxona» singari nomlar bilan atalmoqda.
|
