|
Microsoft Word II -an imp.+
|
| bet | 33/142 | | Sana | 27.05.2024 | | Hajmi | 3,55 Mb. | | #255298 |
Bog'liq Microsoft Word II -anTərkibli tranzistorların Şklayi sxemi. Tərkibli tranzistorları müxtəlif keçiriciliyə malik tranzistorlar üzərində də yaradırlar. Belə strukturlar əlavə simmetriyaya malik tərkibli tranzistorlar və yaxud Sklayi sxemləri adlanır. Bəzən bu sxemə komplementar tranzistorlu Darlinqton sxemi də deyilir. Sxem özünü n-p-n tranzistor kimi aparır (2.22).
Sxemdəki sürüşmə rezistoru Rsür yekun ötürmə əmsalını bir qədər azaldır. Odur ki, bütün iş rejimlərində İe1 > İkb02 şərti ödənilərsə sürüşmə rezistorundan istifadə etməmək də olar. Doyma gərginliyi heç olmasa diodda düşən gərginliyə bərabər olur. VT2 tranzistorunun baza-emitter aralığına böyük olmayan müqavimət qoşulması məsləhət görülür. Güclü ikitaktlı çıxış kaskadları eyni işarəli tranzistorlar üzərində yaradıldığı hallarda bu sxemdən istifadə edilir.
Şəkil 2.22. Şklayi sxemi.
Göstərilən prinsiplərdən istifadə edərək istənilən sayda tranzistorlar üzərində tərkibli strukturlar yaratmaq olar. Bu strukturlar həm bipolyar, həm də sahə tranzistorlarının kombinasiyası üzərində də yaradıla bilər. Belə sxemlərə nümunələr şəkil 2.23 - də göstərilmişdir.
Şəkil 2.23. Bipolyar və sahə tranzistorlar əsasında tərkibli tranzistor sxemləri.
Aşağı tezlik gücləndiricisi
Aşağı tezlik gücləndiricisi siqnalların gücləndirilməsi və onların qeydedici qurğuya ötürülməsi vəzifəsini yerinə yetirir. Böyük güclənmə əmsalı almaq üçün bir neçə gücləndirici kaskadın ardıcıl qoşulması lazım gəlir. Belə gücləndiricinin sxemini müxtəlif funksiyalara malik üç gücləndirmə kaskadı kimi təsvir etmək olar: ilkin gücləndirici kaskad, aralıq gücləndirici kaskad və çıxış gücləndirici kaskad. Kiçik güc tələb olunan hallarda aşağı tezlik gücləndiricisi ilkin gücləndiricidən və güc gücləndiricisindən ibarət olur.
İlkin gücləndirici kaskad siqnal mənbəyi ilə gücləndirici qurğu arasında bilavasitə əlaqəni təmin edir. Ona olan əsas tələbat siqnalın zəiflənməsinin qarşısını almaqdır. Ona görə də, bu kaskad siqnal mənbəyinin müqavimətindən kəskin fərqlənən böyük giriş müqavimətinə malik olmalıdır. İlkin gücləndirici kaskad giriş siqnalının minimum təhriflərlə böyük güclənməsini təmin etməlidir.
Aralıq gücləndirici kaskad ilkin və çıxış kaskadları arasında bufer rolunu oynayır. Onun əsas vəzifəsi ilkin kaskadın çıxışı ilə çıxış kaskadının girişi arasında razılaşma yaratmaqdır.
Çıxış gücləndirici kaskadın vəzifəsi çıxışa qoşulan qurğunun – yükün normal işləməsi üçün lazım olan gücü (gərginliyi) təmin etməkdir. Bu kaskadın əsas parametri f.i.ə. olur. Çıxış gücləndirici kaskadlar bir və iki taktlı olurlar. Bir taktlı gücləndiricilər yük qurğularının kiçik güc (1 vatta qədər) tələb etdiyi
hallarda istifadə olunur. Böyük güc tələb olunan hallarda isə ikitaktlı kaskadlardan istifadə olunur.
Gücləndiricinin tətbiq sahələrindən və tələb olunan gücdən asılı olaraq, bu kaskadlardan eyni zamanda istifadə olunması məcburi deyildir və kaskadların müxtəlif kombinasiyalarından istifadə oluna bilər.
|
| |
