Analoq inteqrallayıcısı. Əks əlaqə dövrəsində kondensatordan
istifadə etdikdə ƏG inteqrallama (analoq inteqratoru) funksiyasını yerinə yetirir (şəkil 3.10). Sxemin çıxışındakı gərginlik R və C elementlərinin müvafiq qiymətlərində giriş gərginliyinin mənfi işarə ilə inteqralına bərabər olur. İnteqrallayıcının işini aşağıdakı kimi təhlil etmək olar.
Fərz edək ki, ƏG idealdır, invers giriş və R rezistorunun sağ düyünü sıfır potensialına malikdir. Bu halda girişə verilən gərginlik R müqavimətində ayrılır və rezistordan axan cərəyan
İ = Ugir / R
olur. ƏG-nin giriş müqaviməti çox böyük olduğundan bu cərəyan tamamilə kondensatordan axacaq və ondakı gərginlik dəyişəcək. Məlumdur ki, kondensatordakı gərginlik ondan axan cərəyandan
ic = C dUc/dt və yaxud Uc = ( 1/C) ic dt
kimi asılıdır. Kondensatorun sol köynəyinin potensialı sıfıra bərabər olduğundan çıxış gərginliyi kondensatordakı gərginliyə bərabər olur:
U çıx = -
Idt
1 U gir
dt 1 U dt
c c R
RC gir
Şəkil 3.10. ƏG-nin inteqrallayıcı kimi qoşulması.
R və C elementlərinin parametrlərini elə seçmək olar ki, RC=1 olsun. Bu halda sonuncu ifadə
Uçıx = - U gir dt
şəklini alır, yəni çıxış siqnalı giriş siqnalının inteqralı olur.
Qeyd edək ki, düzbucaqlı formada giriş siqnallarının inteqrallanması halında - çıxışda üçbucaq formalı, xətti artan siqnal halında - çıxışda parabola formalı, sinusoidal siqnal halında isə çıxışda kosinusoidal formalı siqnal alınır.
|
