|
Əməliyyat gücləndiricilərinin təsnifatı
|
| bet | 46/142 | | Sana | 27.05.2024 | | Hajmi | 3,55 Mb. | | #255298 |
Bog'liq Microsoft Word II -an Əməliyyat gücləndiricilərinin təsnifatı
Yüksək cəldliyə malik enli zolaqlı gücləndiricilər sürətlə dəyişən siqnalların çevrilməsi üçün istifadə edilir. Onlar çıxış siqnalının yüksək sürətlə artması, kiçik qərarlaşma müddəti, güclənmənin geniş tezlik diapazonu ilə xarakterizə olunurlar. Digər parametrlərinə görə isə ümumi təyinatlı gücləndiricilərdən geri qalırlar.
Yüksək dəqiqliyə malik gücləndiricilər maneənin yüksək səviyyəsi ilə xarakterizə olunan zəif elektrik siqnallarının çevrilməsi üçün istifadə edilir və sürüşmə gərginliyinin və onun temperatur dreyfinin kiçik qiyməti ilə, böyük güclənmə əmsalının və sinfaz siqnalın söndürülməsi ilə, böyük giriş müqaviməti və küyün kiçik səviyyəsi ilə xarakterizə olunurlar. Onların sürüşmə gərginliyi
Usür. 250 mkV, temperatur dreyfi Usür / T 5 mkB/ 0C, güclənmə əmsalı
Ku0 150000 ətrafında olur.
Ümumi təyinatlı gücləndiricilər gətirilmiş yekun xətası 1% səviyyəsində olan cihazların yaradılmasında istifadə edilir. Belə ƏG kiçik dəyəri və parametrlərin orta səviyyəsi (Usür – vahid mV-larla, Usür / T- onlarla
mkV/0C, Ku0 – on minlərlə) ilə xarakterizə olunurlar.
Kiçik giriş cərəyanına malik gücləndiricilər giriş kaskadı sahə tranzistorlarında yaradılan gücləndiricilərdir. İgir 100pA.
Çoxkanallı gücləndiricilər ümumi təyinatlı və mikrogüclü gücləndiricilərdən ancaq kanalların ayrılma əmsalı ilə fərqlənir. Onlar aparatların kütlə və həndəsi ölçülərinin yaxşılaşdırılmasına və enerji sərfinin azaldılmasına xidmət edirlər.
Güclü və yüksək voltlu gücləndiricilər çıxış kaskadları güclü və yüksək voltlu elementlərdə yaradılan gücləndiricilərdir. Çıxış cərəyanı İçıx 100 mA, çıxış gərginliyi Uçıx 15V ətrafında olur.
Mikrogüclü gücləndiricilər istifadə olunan gücün hədd qiymətindən kənara çıxması mümkün olmayan hallarda (məs., avtonom qida gərginliyi olan cihazlarda, gözləmə rejimində işləyən cihazlarda) tələb olunan gücləndiricilərdir.
Bir sıra ƏG-nin parametrləri əlavə 2-də verilmişdir.
|
| |
