3
SO‘Z BOSHI
Ushbu laboratoriya ishlari to‘plami o‘zining bir qator o‘ziga xos
xususiyatlari – o‘ tkazish
polasasining kengligi, halaqitga bardoshliligi,
o‘lchamlarining ixchamligi, yengilligi, nisbatan
arzonligi va boshqa
afzalliklari tufayli telefoniya, kabel televideniyasi,
havo va suv osti
kemalarining bort aloqasini tashkil etishda, lokal va abonentga ulanish
tarmoqlarida, texnologik jarayonlarni boshqarishda tobora keng qo‘llanish
topayotgan tolali optik aloqa tizimlarining aktiv
va passiv elementlarini
tajriba yo‘li bilan o‘rganishga qaratilgan laboratoriya ishlarini bajarishga
bag‘ishlangan.
Unda umumiy hajmi 36 soatlik laboratoriya mashg‘ulotlari chog‘ida
bajariladigan quyidagi laboratoriya ishlarining maqsad va vazifalari, ularni
bajarishda qo‘llaniladigan qurilmalarning tavsiflari, laboratoriya ishlarini
bajarish bo‘yicha uslubiy ko‘rsatmalar keltirilgan:
1- laboratoriya ishi. Optik tolalar. Optik
tolalarning turlari va
xarakteristikalari. Optik tolalarning geometrik va fizik parametrlari. Optik
tolalarning sonli aperturasini tajriba yo‘li bilan aniqlash;
2- laboratoriya ishi. Yorug‘lik diodi va lazer diodining vatt-amper
xarakteris-tikalarini qiyosiy o‘rganish;
3- laboratoriya ishi. Fotoqabul qilgichning volt-amper va spektral
xarakteristi-kalarini tadqiq etish;
4- laboratoriya ishi. Lazer diod nurlanishining impulsli modulyatsiya
jarayoni-ni tadqiq etish;
5- laboratoriya ishi. Lazer diod nurlanishining
analog modulyatsiya
jarayonini tadqiq etish;
6- laboratoriya ishi. Optik aloqa tizimlarining tuzilish prinsipini
o‘rganish (STM-1 uzatish tizimi asosida);
7- laboratoriya ishi. Raqamli tolali-optik uzatish tizimlarining liniya
kodlarini tadqiq etish;
8- laboratoriya ishi. Optik regeneratorlarni o‘rganish va tekshirish;
9- laboratoriya ishi. Optik kuchaytirgichlarning xarakteristika va
parametrlarini tadqiq etish;
10- laboratoriya ishi. Real optik aloqa liniyasi qabul qilish punktida
signal shaklini modellashtirish;
11-
laboratoriya
ishi.
Ajraladigan
optik
ulagichlarning
xarakteristikasini tadqiq etish;
12- laboratoriya ishi. Optik attenyuatorlarning
xarakteristikasini
4
tadqiq etish;
13- laboratoriya ishi. Optik tolaning bukilishi tufayli sodir
bo‘ladigan so‘nish solishtirma koeffitsiyentining uning bukilish radiusiga
bog‘liqligini tadqiq etish.
Ushbu laboratoriya ishlarini bajarishda qo‘llaniladigan
zamonaviy
uskunalar, tadqiq etiladigan aktiv va passiv optik elementlar, optik aloqa
tizimlari
bilan tanishish, laboratoriya ishlarini bajarish va ularning
natijalari bo‘yicha tegishli hisoblashlar va tahliliy ishlarni bajarish,
talabalarga ajratilgan soatlar davomida «Optik aloqa tizimlari» fani
bo‘yicha yetarli darajadagi ko‘nikma va uquvlarni shakllantirish imkonini
beradi. Har bir laboratoriya ishini bajarishdan
avval keltirilgan qisqacha
nazariy ma’lumotlar laboratoriya ishlarini samarali yakunlashga yordam
beradi degan umiddamiz.
Mualliflar.
