O’zbekiston Respublikasi Хalq talim vazirligi Respublika bolalar kutubхonasi Fan: Kimyo Kimyoni bilasizmi?

• Alkanlar-ochiq zanjirli to’yingan uglevodorodlar

Ular C_nH_2n+2 umumiy formulaga ega bo’lgan gomologik qatorni tashkil qiladi.

Gomologik qator deb, tarkibi va kimyoviy xossalari o’xshash va bir-biridan CH₂-atomlar guruhida gomologik farq qiluvchi moddalar qatoriga aytiladi.

• 
  To’yingan uglevodorodlarning gomologik qatoriga CH₄, C₂H₆, C₃H₈, C₄H_|0, C₅H₁₂…..lar kiradi.
  

Alkanlarning elektron tuzilishi. Metan molekulasi tetraedr shaklida bo’lib, C-H bog’idagi burchak kattaligi 109°28'ga teng. Etanning molekulasi ham shunday burchak kattaligiga teng C-H bog’li ikki uglerod tetraedridan iborat. Boshqa barcha alkanlarda uglerod zanjiri C-H bog’i orasidagi burchak kattaligi 109°28'bo’lgan zigzagsimon fazoviy tuzilishga ega. Buning sababini tushunish uchun metanning elektron tuzilishini ko’rib chiqamiz. Uglerod atomi qo’zg’almagan holatida ls²2s²2p² elektron tuzilishiga ega bo’ladi (A). Qo’zg’algan holatga o’tganda 2s²-elektronlar juftining ajralishi va ulardan birining 2p-orbitalga o’tishi kuzatiladi (B).

Shunday qilib, qo’zg’algan uglerod tashqi elektron pog’onasida to’rtta valent elektron: bitta 2s-elektron va uchta 2p-elektronlarga ega bo’lib qoladi. 2p-bulutlar bir-biriga nisbatan 90° ostida joylashadi va x, y, z o’qlari bo’ylab joylashadi.Buning natijasida metandagi uglerod va to’rtta vodorod atomlari orasidagi kovalent bog’lar bir xil emasdek bo’ladi. Bitta bog’ uglerodning 2s-buluti va vodorodning ls-buluti bilan hosil bo’lsa, qolgan uchta bog’ 2p_x, 2p , 2p_z-bulutlari bilan vodorodlarning ls-bulutlari orasida hosil bo’ladi. Ammo, amaliy tajribalar asosida metandagi C-H bog’larning barchasi shakl, energiya va to’g’ri tetraedr uchlariga yo’nalish bo’yicha bir xilligi tasdiqlangan.

1931-yilda L.K.Poling bu hodisani tushuntirib berdi. Uning aytishicha, bog’ hosil bo’lishida elektron bulutlari bir-biri bilan aralashib ketadi va orbitallar shakl va energiya bo’yicha tenglashib qoladi. Bu hodisani gibridlanish deb, yangi orbitallarni esa aralashgan yoki gibridlangan orbitallar deb ataldi.

Metanda C-H bog’i hosil bo’lishida sp³ simvoli bilan belgilanuvchi, noksimon shakldagi gibrid orbitallar qatnashadi. Gibrid orbitallarning cho’ziq noksimon shakli uglerodga birikayotgan atomlar orbitallarining kuchliroq qoplanishini va natijada molekula barqarorligini ta'minlaydi. Bu gibrid sp³-orbitallar vodorodning to’rt atomi s-orbitallari bilan qoplanib, bir-biriga nisbatan 109°28' burchak ostida bo’lgan 4 ta o-bog’li, mustahkam tetraedr molekula hosil qiladi.

Alkanlar molekulasidagi o-bog’larning hosil bo’lishida har doim gibrid sp³-orbitallar ishtirok etadi. Etan molekulasi yettita: bitta sp³-sp³ (C-C) va oltita sp³-s (C-H) o-bog’ hosil qiladi. Shunday qilib, alkanlardagi barcha bog’lar gibridlangan holda bo’ladi. [tetraedral gibridlanish NH₄⁺, BH₄⁺ ionlari va qisman suv molekulasida (shuning uchun O-H bog’i orasidagi burchak 90° dan katta, 104° ga teng; 90° li burchak gibridlanmagan я-о-bog’larga xos) H₂S, PH₃, AsH₃ kabi birikmalarda bog’lar orasidagi burchak 90° ga teng va ularda gibridlanish mavjud emas]. Alkanlar molekulalari qutbsiz bo’ladi.

Izomeriya va nomenklaturasi. Alkanlarning gomologik qatorida zanjir izomeriyasi kuzatiladi. Metan, etan, propan izomerlarga ega emas. Butanni C₄H₎₀ ikki hil tuzilishli izomerlari mavjud.



14-jadvalga e'tibor bering. To’yingan uglevodorodlarning nomlanishida –an qo’shimchasi ishlatilmoqda. Metan, etan, propan, butan, pentan va hokazo.

Download 0.74 Mb.