Maktabgacha va maktab taʼlimi tizimini rivojlantirish sohasida huquqiy va meʼyoriy
hujjatlar loyihalarini ishlab chiqish uchun zarur boʻlgan maʼlumot, hujjat va materiallarni
belgilangan tartibda olish;
malaka oshirish kurslarida oʻqish;
chet tillarini oʻrganish;
shoʻba vakolatlariga kiruvchi masalalar boʻyicha tashkil etiladigan yigʻilish, majlis va
seminarlarda ishtirok etish.
Shoʻba boshligʻi Oʻzbekiston Respublikasining amaldagi qonunchiligi, Oʻzbekiston
Respublikasi Maktabgacha va maktab taʼlimi vazirligining Nizomlariga zid boʻlmagan boshqa
huquqlarga ega.
5-bob. Shoʻba boshligʻining javobgarligi
10. Shoʻba boshligʻi quyidagilar uchun javobgarlikka tortiladi:
Oʻzbekiston Respublikasining qonunchilik va meʼyoriy hujjatlari talablarini buzish,
vazirlikning buyruq va farmoyishlarini bajarmaslik;
oʻz lavozim majburiyatlarini bajarmaslik;
vazirlikka, hududiy boshqarma rahbariyatiga oʻz vaqtida hisobot, maʼlumot, hujjatlar va
materiallarni taqdim etmaslik;
mehnat shartnomasi, mehnat intizomi va ichki mehnat tartibi shartlarini bajarmaslik;
oʻz lavozim majburiyatlariga sovuqqonlik bilan yondashish, xizmat va lavozim
vakolatlarini shaxsiy maqsadlarda suiisteʼmol qilish;
tarkibida davlat yoki tijorat maxfiyligiga ega maʼlumot, hujjat va materiallarni hamda
vazirlikning obroʻsi va nomiga putur yetkazishi mumkin boʻlgan axborotlarni tarqatish;
texnika xavfsizligi, mehnat muhofazasi, yongʻin xavfsizligi va sanitariya qoidalariga amal
qilmaslik;
ish vaqtidan unumli foydalanmaslik;
moddiy boyliklarni bus-butun saqlamaslik.
11. Shoʻba boshligʻi mazkur lavozim majburiyatlari va boshqa qonun hujjatlariga asosan
zimmasiga yuklatilgan majburiyatlarni bajarmaganligi yoki lozim darajada bajarmaganligi uchun
Oʻzbekiston Respublikasi qonunchiligiga muvofiq tegishli tartibda intizomiy va moddiy
javobgardir.
