4-bob. Birinchi oʻrinbosarning javobgarligi
6. Birinchi oʻrinbosar oʻz lavozim majburiyatlari hamda nizomga muvofiq yuklatilgan
vazifalar va funksiyalarning sifatli va oʻz vaqtida bajarilishi uchun javob beradi.
7. Birinchi oʻrinbosar faoliyati bilan bogʻliq boʻlgan prognoz koʻrsatkichlarga erishilishi
uchun javob beradi.
8. Foydalanish uchun oʻziga
topshirilgan mebel, xona jihozlari, tashkiliy va maishiy
texnikadan oqilona foydalanilishi hamda ularning but saqlanishini va oʻzi
ish olib boradigan
xonada yongʻin xavfsizligi talablariga rioya qilinishini taʼminlaydi.
9. Birinchi oʻrinbosar hujjatlar bilan ishlash, ularni belgilangan tartibda saqlanishini
taʼminlashga shaxsan javob beradi.
10. Birinchi oʻrinbosar imzo qoʻygan hujjatlarning va oʻzi
bergan xulosalarning
qonunchilikka muvofiqligi uchun javob beradi.
11. Birinchi oʻrinbosar mazkur lavozim yoʻriqnomasi va boshqa qonun hujjatlariga asosan
zimmasiga yuklatilgan majburiyatlarni bajarmaganligi yoki lozim darajada bajarmaganligi uchun
Oʻzbekiston Respublikasi qonunchiligiga muvofiq tegishli tartibda intizomiy va moddiy
javobgardir.
Qoraqalpogʻiston Respublikasi Maktabgacha va maktab taʼlimi vaziri, Toshkent shahar va
viloyatlar maktabgacha va maktab taʼlimi boshqarma boshliqlarining oʻrinbosari
LAVOZIM YOʻRIQNOMASI
1-bob. Umumiy qoidalar
1. Qoraqalpogʻiston Respublikasi Maktabgacha va maktab taʼlimi vaziri, Toshkent shahar
va viloyatlar maktabgacha va maktab taʼlimi boshqarmalari (keyingi oʻrinlarda - hududiy
boshqarma)
boshligʻining oʻrinbosari
(keyingi oʻrinlarda boshliq oʻrinbosari) quyidagilarni
amalga oshiradi:
bevosita hududiy boshqarma boshligʻiga boʻysunadi;
boshliq oʻrinbosari bevosita hududiy boshqarma boshligʻiga boʻysunadi
hamda hudud
boʻyicha tarbiyaviy ishlar boʻyicha masalalariga masʼul hisoblanadi;
boshliq oʻrinbosari Oʻzbekiston Respublikasi Konstitutsiyasi va qonunlariga, Oʻzbekiston
Respublikasi
Oliy Majlisi qarorlariga, Oʻzbekiston Respublikasi Prezidentining
qarorlari,
farmonlari, farmoyishlariga, Oʻzbekiston Respublikasi Vazirlar
Mahkamasining qarorlari va
farmoyishlariga, vazirlikning Hayʼati qarorlari, vazirning buyruq va farmoyishlariga,
vazirlikning hujjatlari hamda koʻrsatmalariga, boshqarmaning Hayʼati qarorlari, boshliq
buyruqlari va topshiriqlari bilan yuklangan vazifalarning oʻz vaqtida ijro etilishini taʼminlagan
holda faoliyatini olib boradi.
