ФРАШ УСУЛИ БИЛАН СОФ ОЛТИНГУГУРТ
ИШЛАБ ЧИКАРИШ.
Фраш усули билан S ишлаб чиқаришда кон устига 3та бир-бирига туширилган цилиндрик кувур урнатилади. Бу кувурларнинг энг ташкисидан ута қиздирилган, 160оС хароратга эга булган босим остида сиқилган сув берилади.
Бу иссиқ сув ер остида жойлашган қаттиқ S ни эритади ва суюлтиради ва суюлтирилган суюқ S ни уртада жойлашган қувурга берилаётган сиқилган ҳаво орқали оралиқ қувурдан чиқазиб олинади. Бу фраш усули технологик жихатдан анча содда ҳам, аммо S ни чиқазиб олиш коэффициенти анчагина пастдир. (60% гача боради). Шунинг учун, МДХ давлатларида бу усул урнига, S рудаси қазиб олиниб, автоклавларда эритилиб, флотациядан утказилиб олинади. Бу ерда S ни чиқазиб олиш даражаси юқоридир.
ТАРКИБИДА ОЛТИНГУГУРТ ДИОКСИДИ ГАЗИ БОР БУЛГАН ГАЗЛАР.
Буларга аввалом бор олтингугурт диоксиди, ўчоқ ёки ёқилғи газлари киради. Бу ерда SO2 нинг миқдори 0,2-0.3% гача бориши мумкин. Масалан: кумирларни ёққанда. Бу газлар билан атмосферага йилига 10 млн.т. олтингугурт бирикмалари ташлаб юборилади. Аммо, бу газлардан сульфат кислота ишлаб чиқариб булмайди, чунки улар олтингугурт диоксиди бўйича жуда кучсиз концентрацияга эгадирлар. Шунинг учун, уларнинг концентрацияси оширилмоғи керак. Бу чиқинди газлардан фойдаланилмаса, улар уйларнинг темир томларини, умуман металл конструкцияларини коррозиялайди, хайвонот ва усимлик дунёсини захарлайди. Худди шундай хусусиятга эга булган газлардан яна бири ТЭЦ лардан тухтовсиз чиқаётган ташландиқ газлардир.
РАНГЛИ МЕТАЛЛУРГИЯ ЧИКИНДИ ГАЗЛАРИ.
Бу газлар таркибида 20-30% олтингугурт булган CaS, ZnS, AI2S3, PbS ва хоказо рангли металларнинг сулфидини ўчоқларда ёқиш натижасида ҳосил булади. Уларнинг юқоридаги газлардан фарқи шуки, уларнинг таркибида SO2 юқори концентрланган булади, яъни 7-12% SO2. Аммо, бу газлар юқоридаги металлар оксидлари, сульфатлари, чанглар ва хоказолар билан, ҳамда мишъяк, фтор, селен, бирикмалари билан ифлослангандирлар. Бу аралашмалардан тозаланган ўчоқ газидан сульфат кислота ишлаб чиқариш мумкиндир.
|
