4
to‘g‘risidagi materiallar keltirilgan. Mahsulotlar sifatini nazorat
qilish va standartlashtirish borasidagi bilimlar majmui mutaxas-
sisning ish faoliyati mobaynida iqtisodiy, ekologik, ijtimoiy nuqtayi
nazardan mahsulot ishlab chiqarish va uni realizatsiya qilishni
optimal tashkil etish imkoniyatlarini yaratadi. Fanning «Standart-
lashtirish» bo‘limi bo‘yicha talabalar standartlashtirish sohasida
me’yoriy texnik
hujjatlar klassifikatsiyasi, ularni ishlab chiqish,
tahlil qilish, tasdiqlash, hisobga olish, harakatga kiritish, qayta ko‘rib
chiqish va qo‘shimchalar kiritish bilan bog‘liq masalalarni
o‘rganadi. «Sertifikatiashtirish» bo‘limida esa respublikamizning
sertifikatlashtirish milliy tizimi o‘rganiladi. «Sifatni boshqarish»
bo‘limida mahsulot sifatini va xizmat turlarini boshqarishning
mavjud
tizimlari, bozor iqtisodiyoti sharoitiga monand standartlar
ishlab chiqish xususiyatlari o‘rganiladi.
Bo‘lajak mutaxassislarning ushbu fanni o‘rganishdan ko‘zlan-
gan asosiy maqsadlari quyidagilar: - texnik shartlar, standartlar va
boshqa me’yoriy texnik hujjatlar bilan ishlashni o‘rganish hamda
tegishli ko‘nikmalarga ega bo‘lish; - mahsulotlarning sifat
ko‘rsatkichlarini
aniqlash, o‘lchash va sinov natijalarini qayta
ishlash uslublarini o‘rganish bo‘yicha amaliy tajribalar o‘tkazish;
- ishlab chiqarish va mahsulotlarni sotish sohasida paydo
bo‘lishi mumkin bo‘lgan muammolar bo‘yicha malakali qaror qabul
qilish uchun xizmat turlari va mahsulotning turkum sifat
ko‘rsatkichlaridan asosiylarini tanlay biIish, ularning ahamiyatini
baholay olish malakasiga ega bo‘lish;
- mahsulot ishlab chiqarishning to‘liq
siklida uning sifatini
boshqarish bo‘yicha nazariy bilimlarga ega bo‘lish. Mazkur fan
bo‘yicha olingan nazariy bilimlarni va erishilgan amaliy
ko‘nikmalarni talabalar o‘zlarining kelgusi ishlab chiqarish va tijorat
sohasidagi ish faoliyatlarida qo‘llashga qodir bo‘lishlari lozim.