hujayralar to‘plamidir.
Jinnssiz ko‘payishning bir xili bo‘lgan sporogoniyani ayrim bakteriya (yoki
bir hujayrali organizm - masalan, ichak balantidiysi, lyambliya) larning spora hosil
qilishdan farqlamoq lozim. Bu xil sporalanish ko‘payish
uchun emas, noqulay
sharoitdan saqlanishgagina xizmat qiladi.
Kurtaklanish
usuli bilan ko‘payishda ona organizmi (hujayra)
da yadroning
bir qismini tutgan sitoplazmatik do‘mboqcha - kurtak paydo bo‘ladi. Do‘mboqcha
o‘sadi va ona qismdan ajraladi. Ayrim bakteriyalar va kipriklilar shu zaylda
ko‘payadi. Vegetativ ko‘payish usulida ko‘p ho‘jayrali
organizm tanasining bir
qismidagi hujayralar to‘plamidan yangi organizm hosil bo‘ladi. Masalan, gidralar
ko‘payishida ona organizmdan hujayralar to‘plamidan iborat kurtak hosil bo‘ladi
va so‘ng
u ajralib, alohida organizmni yaratadi. Achitqi zamburug‘i-kurtaklanish
yo‘li bilan, zamburug‘larning ko‘pchillik vakillari sporalar yordamida ko‘payadi.
Bunda ona hujayrada o‘simta hosil bo‘ladi, keyinchalik uning hajma kattalashadi
va ajralib ketadi.
