164
Glossariy
Axloq
– shaxsning jamiyatga va boshqa kishilarga nisbatan burchini belgilab
beruvchi me’yorlar tizimi, ma’naviy xulq qoidalari, u ijtimoiy ong shakllaridan
biridir.
Bayon qilish
– o‘qituvchi tomonidan o‘rganilayotgan material mazmunini
izchil so‘zlab berish metodi.
Bakalavr, magistr
– oliy ta’limning tegishli bosqichiga muvofiq dasturlarni
muvaffaqiyatli o‘zlashtirgan shaxslarga beriladigan akademik darajalardir
Baholash
– ta’lim jarayonining ma’lum bosqichida o‘quv maqsadlariga
erishilganlik darajasini oldindan belgilangan mezonlar asosida o‘lchash, natijalarni
aniqlash va tahlil qilishdan iborat jarayondir.
Bilish faoliyati
– idrok qilish hissi, nazariy fikrlash va amaliy faoliyat birligi.
Boshqarish
– tashkil etish, qaror qabul qilishga qaratilgan faoliyat, ob’yektni
o‘z xizmat vazifasi doirasida nazorat qilish, tartibga solish, ishonchli axborotlar
asosida tahlil qilish va yakun yasash.
Burch
– muayyan axloqiy majburiyatlarni his qilish, uning zarurligini
anglash.
Vazifa
– maqsad va uni amalga oshirish bosqichlarining oydinlashtirilishi.
