4
malakali kadrlar tayyorlash tizimini yo‘lga qo‘yish” kabi masalalar ham
ta’kidlangan
1
.
Yuqoridagi belgilangan vazifalar barcha tarmoqlar qatorida mamlakatimiz
kimyo sanoatini ham yuqori malakaga ega bo‘lgan
kimyogar-muhandislar bilan
ta’minlash lozimligini ko‘rsatadi. Bu esa o‘z navbatida mutaxassislar tayyorlash
tizimini modernizatsiyalash, xususan, oliy ta’lim tizimida kimyoviy texnologiya
yo‘nalishlari bo‘yicha tayyorlanayotgan bakalavriat bosqichidagi talabalarga
maxsus (ixtisoslik) fanlardan yuqori bilim bera
oladigan mutaxassis kadrlar
tayyorlash vazifasini qo‘yadi. Bu vazifa o‘z-o‘zidan oliy ta’limning magistratura
bosqichida amalga oshiriladi.
Magistratura bosqichida talabalarning keyinchalik pedagogik yoki ilmiy
tadqiqot faoliyatlarini samarali tashkil etishlari uchun yo‘nalishning o‘quv rejasi
“Umummetodologik fanlar” blokiga kiruvchi “Maxsus fanlarni o‘qitish
metodikasi” fanini yaxshi o‘zlashtirishlari lozim bo‘ladi. Chunki magistr ushbu
fanni o‘zlashtirish asnosida o‘qitishning didaktik
qonunlari va tamoyillarini,
tarbiya berishning nazariyasi va amaliyotini, o‘qitishning zamonaviy pedagogik va
axborot texnologiyalarini, ta’lim jarayonini tashkillashtirishning turli usul va
shakllarini, jumladan ma’ruza o‘qishni, amaliy-seminar mashg‘ulotlarni
o‘tkazishni, talabalar mustaqil bilim olishlarini tashkil etishni, ta’lim jarayonida
texnik va axborot texnologiyasi vositalarini qo‘llashni o‘rganadi.
Shu jihatdan «Maxsus fanlarni o‘qitish metodikasi» fanidan 5A320401-
Kimyoviy texnologiya (noorganik moddalar texnologiyasi) mutaxassisligi bo‘yicha
ta’lim oluvchi talabalar uchun mo‘ljallangan mazkur darslik yuqorida takidlangan
vazifalarni hal etishga qaratilgan harakatlardan biri bo‘lib,
bu fanni mukammal
egallagan talabalar – o‘quv me’yoriy hujjatlar, o‘qitish tamoyillari, usullari,
shakllari, nazorat ishlarini o‘tkazish va bilimlarni baholash, o‘qitishni
loyihalash
kabi bilim va malakalarga ega bo‘ladilar.
1
O’zbekiston Respublikasi Prezidentining 2019 yil 8 oktyabrdagi “Oliy ta’lim tizimini 2030 yilgacha
rivojlantirish konsepsiyasini tasdiqlash to’g’risida”gi PF-5847-sonli Farmoni
5
Darslikni tayyorlashda ta’lim tizimini rivojlantirishga oid oxirgi yillarda
hukumatimiz tomonidan chiqarilgan buyruqlar, farmoyishlar, qarorlar, yangilangan
“Ta’lim to‘g‘risida”gi qonun, o‘qitishning kredit-modul tizimiga oid
ma’lumotlardan foydalanilgan.
Shu nuqtai nazardan darslikning tarkib-tuzilmasi va mazmun-mohiyati haqida
bildirilgan fikr-mulohaza, taklif va tavsiyalarga muallif oldindan o‘z
minnatdorchiligini bildiradi.
