3
KIRISH
Har qanday sohaning rivoji boshqaruvning
tashkil qilinganligi va
boshqaruvning samaradorligiga bog‗liq. Ba‘zi hollarda boshqaruvni iqtisod sohasida
samarador qilish tamoyillari, mukammalligi va usullarini ishlab chiqilishiga urg‗u
beriladi. Bu alohida e‘tibor, iqtisodchilarning о‗z mutaxassisliklari nuqtai-nazaridan
istiqbolga yо‗nalishi deb qabul qilingan.
Ta‘lim sohasida boshqaruvga nisbatan tizimli yondoshish,
uning mukammal
tamoyillari, usullari va uslubiyatlarini ishlab chiqib, boshqaruvni samarador qilish
jamiyatning istiqbolini belgilashi nuqtai-nazaridan benihoya muhimdir. Shu bilan
birga, boshqaruvning har qanday sohadagi rivoji va yutug‗i
bu boshqaruv faoliyat
yuritayotgan muayyan davlatning siyosatiga bog‗liq bо‗ladi.
Mamlakatimizning istiqboldagi rivojlanishini belgilab bergan ―2017-2021
yillarda harakatlar strategiyasi‖ boshqaruvi davrida ham, О‗zbekistonning tinchlik,
havfsizlik va barqaror ijtimoiy-iqtisodiy taraqqiyoti davrida ham,
xalqaro
integratsiyadagi faol hamkorligi yanada kuchayadi. Hayotimizga kirib kelayotgan
kо‗plab xalqaro zamonaviy tajribalar, texnologiyalar zamonaviy boshqaruv
mutaxassislarini talab qilmoqda. Bu yо‗nalishda oliy ta‘limda ―Tizimli
menejment
nazariyasi‖ fanini mukammal о‗rganish muhim ahamiyatga ega.
Har qanday fanni о‗rganish uning tadqiqot obyektini belgilashdan boshlanadi.
Fanning tadqiqot – о‗rganish obyektlari qanchalik mukammal, atroflicha belgilangan
bо‗lsa, fanning maqsadi va vazifalarini qо‗yish osonlashadi, о‗rganuvchi uchun
tushunarli bо‗ladi. Fanning о‗rganish obyektlari esa, fan shakllanishi jarayonida yoki
insoniyatning hayotiy talablari asosida kelib chiqishidagi
dolzarblik masalalari,
muammolarining kо‗payib, kuchayib borishi natijasida tabiiy yoki sun‘iy holatlar,
vaziyatlar bо‗lishi mumkin. Hayotimizga kirib kelayotgan ―Tizimli menejment
nazariyasi‖ fani ham iqtisodiyotni samarali boshqarishning ehtiyoji natijasida kelib
chiqqan gumanitar, ijtimoiy, iqtisodiy va amaliy fanlardan hisoblanadi.
Hozirda kunda davlatimizning xalqaro integratsiyada jadal rivojlanayotganligi,
xalqaro miqyosdagi iqtisodiy va madaniy aloqalarning
tobora rivojlanib
borayotganligi, milliy mahsulotlarni ishlab chiqish va ularning sifatini jahon
4
andozalarida tayyorlash, kirib kelayotgan investitsiyalar bilan hamkorlikda
ishlashning talablari va zarurati yuzasidan tashkilotlar
qanday va qaysi tizimda
bо‗lishidan qat‘iy nazar о‗z faoliyatida eng kam xarajatlar bilan belgilangan
maqsadlarga erishishi uchun tizimli menejmentning tamoyillari va usullarini izchil
о‗rganishlari va amaliyotda foydalanishlari lozim bо‗lmoqda. Bu yо‗nalishda
zamonaviy menejerlarni tayyorlash ehtiyojlarini ham hisobga olish juda muhim
vazifalardan hisoblanadi.
―Tizimli menejment nazariyasi‖ fani 5A230201 ‒ Menejment (tarmoqlar va
sohalar) ixtisosligi bо‗yicha mutaxassis kadrlarni tayyorlashda о‗qitilmoqda.
Ushbu
zaruratni hisobga olib mazkur darslik yangi о‗quv adabiyotlari avlodini yaratishdagi
qо‗yiladigan talablar asosida tayyorlandi.
