8
1-Faoliyat
Mavzu: «Mustaqilligimizning 31-yillik bayrami» mavzusida suhbat
Maqsad: Bolalarni surat bo’yicha mazmunli hikoya tuzishga, suhbat paytida
faol ishtirok etishga undash, suratda aks ettirilgan voqealarni izchil
bayon
qilishni, mavzu bo’yicha berilgan savollarga tushunib, qisqa va to’liq javob
berish, o’rtoqlarining berayotgan javoblariga e’tibor berish malakasini
takomillashtirish. Suhbat davomida bolalar qalbida
mustaqillik bayramiga
nisbatan muhabbat, milliy g’urur hissini tarbiyalash.
Vazifalar:
«Mustaqillik bayrami», «Milliy bog’» mavzularida lug’atni faollashtirish.
Voqea-hodisalarning muhim belgilarini ajratishga, solishtirishga va
umumlashtirishga, ularni ifodalash uchun aniq so’zlarni tanlashga o’rgatish.
Bog’lanishli nutq—hikoya tuzish ko’nikmalarini shakllantirish.
Nutqning ifodaliligini tarbiyalash.
Gap. Gapni so’zlarga bo’lishga o’rgatish.
Kutilayotgan natijalar:
Surat bo’yicha mazmunli hikoya tuzishga, suratdagi tasvirdan oldingi
voqealarni mustaqil o’ylashga o’rganadilar.
Grammatik jihatdan to’g’ri so’zlashga intiladi
Kerakli jihozlar:
«Mustaqillik maydoni- tinchlik ramzi» surati
faoliyatning borishi. Surat ilib qo’yiladi va mazmuni bo’yicha suhbat
o’tkaziladi.
-Bolalar, Vatanimizda har yili 1-sentyabr kuni mustaqillik bayrami bo’ladi.
Bayram kuni O’zbekiston Respublikasi Prezidenti Islom Karimov xalqimizni
bayram bilan tabriklaydilar. So’ng maydonda tomosha bo’ladi. Bolalar, siz
ham bayramda saylga chiqdingizmi? Qaerga, kim bilan bordingiz, qanday
tomoshalarni ko’rdingiz?
Hozir biz «Mustaqillik bayrami» nomli suratni ko’rib, surat bo’yicha hikoya
tuzishni o’rganamiz. Suratga diqqat bilan qarang.
Suratda kimlar tasvirlangan?
Bolalar qiyofasida qanday holat ifodalangan?
Bolalarning qo’llarida nimalar bor? (bayroqcha, shar, gul)
Kimlar doira chalyaptilar?
Kimlar raqsga tushyaptilar? (kattalar, bolalar)
Bayram saylida siz ham ishtirok etdingizmi?
Bayramda nimalarni ko’rdingiz?
Milliy bog’da qanday tomoshalarni ko’rdingiz?
