Mustahkamlash uchun savollar:
1. Maktab darsligi haqida umumiy tushuncha?
2. Maktab darsligiga qо‘yilgan asosiy talablar?
3. Maktab botanika darsligining mazmuni va tuzilishi?
4. Maktab zoologiya darsligining mazmuni va tuzilishi?
5. Odam va uning salomatligi darsligining mazmuni, tuzilishi?
188
27-§. UMUMIY O’RTA TA’LIM MUASSASALARIDA
BIOLOGIYANI О‘QITISHNING О‘ZIGA XOS
XUSUSIYATLARI
Uzluksiz ta’lim tizimining mustaqil turi bо‘lgan о‘rta maxsus,
kasb-hunar ta’limi muassasalarida biologiyani umumta’lim fani sifatida
о‘qitish yagona о‘quv dasturi asosida tashkil etilsada u ikki yо‘nalishda
amalga oshiriladi.
Akademik litsey о‘quvchilarning intellektual qobiliyatlarini jadal
о‘stirish, ularning chuqur, tabaqalashtirilgan bilim olishlarini
ta’minlaydigan muassasa ekanligini hisobga olgan holda, biologiyani
о‘qitishda ilmiy-nazariy masalalarga keng о‘rin berish, о‘quvchilarning
chuqur о‘zlashtirayotgan fani bilan fanlararo bog‘lanishlarni amalga
oshirish, ularning qiziqishlari va ehtiyojlari, mustaqil, ijodiy va mantiqiy
fikr yuritish, tajriba qо‘yish va kuzatish kо‘nikmalarini rivojlantirish,
ilmiy dunyoqarashini kengaytirish masalalariga e’tiborni qaratish, ilmiy-
tadqiqot institutlarida olib borilayotgan ilmiy izlanishlar mazmuni va
natijalari, biolog olimlarning hayoti, ularning fan rivojiga qо‘shgan
hissalari bilan tanishtirish, uchrashuvlar tashkil etish tavsiya etiladi.
Kasb-hunar kollejlarining о‘quvchilari tanlagan kasblari bо‘yicha
ixtisoslik olishlarini nazarda tutgan holda biologiyani о‘qitishda kо‘proq
amaliy masalalarga, ayniqsa qishloq xо‘jalik, tibbiyot, о‘rmonchilik,
baliqchilik, oziq-ovqat, yengil sanoat, hamda xalq xо‘jaligining boshqa
sohalarida biologiyaning tutgan о‘rniga ahamiyat qaratiladi. О‘quv
yurtining ixtisosligiga bog‘liq holda jamoa, fermer, о‘rmonchilik
xо‘jaliklari va tibbiyot muassasalariga ekskursiyalar uyushtirish, tabiatni
muhofaza qilishning nazariy va amaliy masalalariga e’tiborni qaratish
lozim.
О‘rta maxsus, kasb-hunar ta’limi muassasalarida biologik ta’lim
mazmuni davlat ta’lim standartlari bilan me’yorlangan, shu asosda
о‘quv dasturi tayyorlangan va unga muvofiq holda darslikning yangi
avlodi yaratilgan.
Biologiya darsligida о‘quvchilarning о‘quv-bilish faoliyatini
faollashtiradigan, mustaqil ishlashi va ijodiy fikr yuritish, о‘zlashtirgan
189
bilimlarini nazorat qilishi va о‘z-о‘zini baholash, mantiqiy fikr yuritish
operatsiyalarini bajarish natijasida biologik bilimlarni ongli о‘zlashtirish
kо‘nikmalarini egallashlariga zamin tayyorlangan.
О‘qituvchi biologik ta’lim samaradorligiga erishish va
о‘quvchilarning bilish faoliyatini tashkil etish va boshqarishi uchun
ta’lim mazmunining tarkibiy qismlari va ularni о‘quvchilar tomonidan
о‘zlashtirish usullarini bilishi lozim.
Ta’lim mazmunining tarkibiy qismi bо‘lgan bilimlar о‘quvchilar
tomonidan о‘quv materialini sezgi organlari orqali qabul qilish, tasavvur
qilish, abstrakt fikr yuritish, о‘rganilgan ma’lumotlarni yodda saqlash,
bilimlarni tanish odatiy va yangi kutilmagan vaziyatlarda qо‘llash
bosqichlari yordamida о‘zlashtiriladi.
О‘quvchilarda faoliyat turlari - kо‘nikma va malakalarni
shakllantirish kо‘nikma tarkibiga kiradigan ish usullarni aniqlash va ularni
bajarish, kо‘rsatmaga binoan shu ish usullarini takror mashq qilish,
kо‘nikmalarni tanish, odatiy va kutilmagan yangi vaziyatlarda ijodiy
qо‘llash kabi bosqichlarni о‘z ichiga oladi.
Ta’lim mazmunining uchinchi tarkibiy qismi bо‘lgan ijodiy faoliyat
tajribalari о‘quvchilarning mustaqil va ijodiy fikr yuritishiga zamin
tayyorlab, uni о‘qituvchining tayyor axboroti orqali shakllantirish mumkin
emas. О‘quvchilarda ijodiy faoliyat tajribalarini shakllantirish uchun ular
о‘quv materialini mustaqil ravishda о‘zlashtirishlari, о‘quv topshiriqlarini
bajarish jarayonida muammolarni idrok etishi, tasavvur qilishi, abstrakt
fikr yuritishi, о‘rganilayotgan obyektlarni tahlil va sintez qilishi,
taqqoslashi, о‘xshashlik va umumiy tomonlarini aniqlashlari, fikr va
g‘oyalarni umumlashtirib, xulosa yasash orqali bilim, kо‘nikma va
malakalarini yangi kutilmagan vaziyatlarda qо‘llashni о‘rganishlari lozim.
Ta’lim mazmunining tо‘rtinchi tarkibiy qismi hisoblangan
qadriyatlar tizimi о‘qitish jarayonida ta’lim-tarbiyaning uzviyligi, milliy
va umuminsoniy qadriyatlarning ustuvorligini ta’minlash, о‘quvchilarda
tabiat va butun borliqqa nisbatan ongli munosabatni tarkib toptirishga
xizmat qiladi. О‘quvchilar mazkur tarkibiy qismni о‘zlashtirishlari
uchun avval о‘zlashtirgan bilim, kо‘nikma va malakalarni yangi
190
kutilmagan vaziyatlar ijodiy qо‘llashlari, bir sо‘z bilan aytganda faol
о‘quv-bilish faoliyati talab etiladi.
Ta’lim
mazmunining
tarkibiy
qismlari
davlat
ta’lim
standartlarining asosini tashkil etadi.
Davlat ta’lim standartlari tahlili uning quyidagi tarkibiy qismlardan
iboratligini kо‘rsatdi:
Asosiy qism – ta’lim-tarbiya jarayonidan kо‘zlangan maqsad va
vazifalarni amalga oshirishga imkon beradigan biologik bilim, kо‘nikma va
malakalarning o’quv qo’llanmasi sanaladi. Ta’lim mazmunining asosiy
qismi bilimlar, faoliyat turlari – kо‘nikma va malakalardan iborat bо‘ladi.
Kengaytiruvchi tarkibiy qism – о‘quvchilarning biologik bilimlari va
mustaqil hayotga tayyorgarligini orttirishga imkon beradigan, shaxs yoki
guruh qiziqishlarini rivojlantirishga yо‘naltirilgan ta’lim mazmuning bir
qismi. Bu qism ta’lim mazmunining ijodiy faoliyat tajribalari va qadriyatlar
tizimini о‘z ichiga oladi.
Yordamchi qism – biologiya kursining mantiqiy strukturasining
yaxlitligini ta’minlovchi ta’lim mazmunining ma’lum bir bо‘limi.
О‘quvchilarning qiziqishlari, istagi va ehtiyojlari asosida darsdan va sinfdan
tashqari tashkil etiladigan mashg‘ulotlarning mazmunini tashkil etadi.
Qо‘shimcha tarkibiy qism - о‘rta maxsus, kasb-hunar ta’limi
muassasalari yо‘nalishi va mahalliy xususiyatlarini hisobga olgan holda
amalga oshiriladigan ta’lim mazmunining bir qismi.
DTS ning asosiy va kengaytiruvchi tarkibiy qismlari о‘zgarmas
bо‘lib, о‘quv fanining asosiy fundamental va amaliy masalalarini yoritadi,
yordamchi va qо‘shimcha tarkibiy qismlari о‘quvchilarning kelgusida
egallaydigan mutaxassisliklariga bog‘liq holda о‘quv fanining о‘zgarib
turadigan qismi sanaladi.
|