“PEDAGOGIK MAHORAT” ilmiy-nazariy va metodik jurnal. 2022, № 3-4
37
bilan bogʻlanmagan har turli tadbirlarni amalga oshirishdan iborat boʻlib qolmoqda. Odatda, bunday
tarbiyaviy tadbirlarda koʻpincha faolroq talabalar qatnashadilar. Tarbiyaga muhtoj va tarbiyalash zarur
boʻlgan ayrim talabalar esa bu ishdan chetda qolaveradi. Tarbiyaviy ishning ba’zan kam samara
berayotganligining sabablaridan yana biri, yoshlarga axloqiy ta’sir oʻtkazish usullarining bir
tomonlamaligidadir. Ommaviy tadbirlar ana shu muammoning yechimini yechishga yordam beruvchi usul
sanaladi.
Ommaviy tadbirlar ma’lum bir tashkilotchi yoki tashkilotning xohishiga qarab oʻtkazilmasdan, balki
keng xalq ommasining tadbirga boʻlgan ma’naviy ehtiyoji tugʻilganda oʻtkazadigan, haqiqiy tadbir
tomoshasi sanaladi. Mustaqillik gʻoyalarini keng xalq ommasiga singdirish, ulardagi yuksak fuqarolik
tushunchalarini tarbiyalashda ommaviy tadbirlarning tutgan oʻrni beqiyosdir [2].
Ommaviy tadbirlar quyidagi turlarga boʻlinadi:
- teatrlashtirilgan konsert;
- konsert-miting;
- ommaviy sayl;
- teatrlashtirilgan namoyish;
- koʻchalarda, maydonlarda, stadion va bogʻlarda oʻtkaziladigan tadbir harakati;
- milliy san’at dekadalari;
- san’at festivallari;
- qoʻshiq tadbirlari;
- raqs tadbirlari;
- karnavallar;
- suvda oʻtkaziladigan tadbirlar;
- ochiq havoda namoyish etiladigan teatr-spektakllar;
- koʻcha tadbirlari;
- sport tadbirlari;
- bolalarning teatrlashtirilgan tadbirlari;
- aksiyalar;
- fleshmoblar.
Ushbu ommaviy tadbirlarni oʻtkazishdan asosiy maqsad – yoshlarni bir maqsad yoʻlida birlashtirish,
ommaviy madaniyatni shakllantirish sanaladi. Ommaviy tadbirlarda oliy ta’lim muassasasi talabalarining
umumiy maqsadlari sari harakatini tashkil etish, madaniy-ma’naviy yuksalishini ta’minlash usullaridan biri
bu
