PEDAGOGIKA
2017, 6-son
110
→ amaliy kо‘nikmalarni о‘zlashtirish → mavjud kо‘nikmalarning malakalarga aylanishi
→ mavjud malakalarning doimiy takomillashtirilib borilishi.
Barkamol shaxsni tarbiyalashda aynan ta’lim-tarbiya jarayoniga
yо‘naltirilgan pedagogik faoliyatning qanday shaklda tashkil etilayotganligi ham
muhim sanaladi. Shu sababli jarayonni tashkil
etishda faoliyat shaklining
tanlanishiga alohida e’tibor qaratiladi.
Axborotlashgan jamiyatda о‘quvchi mediamadaniyatini shakllantirishda
eng muhim nazariy g‘oyalarni yoritishga yordam beradigan dars mashg‘uloti
uchun quyidagi mavzular tanlanishi mumkin: “Zamonaviy media (ommaviy
axborot vositalari)ning ijtimoiy-tarbiyaviy imkoniyatlari”, “Media (ommaviy
axborot vositalari)ning turlari va ularning shaxs tomonidan zarur axborotlarni
о‘zlashtirishdagi ahamiyati”, “Media (ommaviy axborot vositalari) – soxta,
buzg‘unchi g‘oyalarning tarqatilishi kо‘zga kо‘rinmas qurol sifatida”, “Axborot
xavfsizligi va о‘quvchilarda axborot xavfsizligi kо‘nikmasini shakllantirish”,
“O‘quvchilarda mediamadaniyatni samarali shakllantirish yо‘llari”.
Tashkil etiladigan dars mashg‘ulotlarida
mavjud bosma adabiyotlar,
elektron manbalar, shuningdek, muammoga yaqin mavzularda amalga oshirilgan
tadqiqot ishlarining natijalariga oid ma’lumotlardan foydalangan holda, o‘quv
mashg‘uloti matnini shakllantirish, taqdimotni tayyorlashga alohida e’tibor
qaratiladi. Mashg‘ulotlarni oliy ta’lim muassasalarining
informatika va axborot
texnologiyalari, falsafa, ijtimoiy-gumanitar fanlar, pedagogika-psixologiya
kafedralarining о‘qituvchilari bilan hamkorlikk asosida
tashkil etish maqsadga
muvofiqdir. Jumladan, “Axborot xavfsizligi va о‘quvchilarda axborot xavfsizligi
kо‘nikmasini shakllantirish” mavzusida tashkil etilgan mashg‘ulotda
tadqiqotchi
B. Sirliboyevaning “О‘smir-о‘quvchilarda axborot xavfsizligi kо‘nikmalarini
shakllantirish” nomli metodik qо‘llanmasida yoritilgan g‘oyalar, tarbiyaviy
tadbirlardan maqsadli foydalaniladi,
jumladan, o‘smir-о‘quvchilarning axborot
xavfsizligi kо‘nikmalariga egaliklari quyidagilarda namoyon bо‘ladi:
- internet tarmog‘idagi axborot xavfi;
- internetga tobelik;
- о‘ta xavfli (vahshiylik, qotillik, mafkuraviy va ruhiy ta’sir kо‘rsatuvchi)
kompyuter о‘yinlarining shaxsga ta’siri;
- shaxsning shaxsiy hayotiga bevosita taalluqli tahdidlar;
- axborotdan buzg‘unchi maqsadlarda foydalanish;
