yakka tartibda uy-joylar qurishda (rekonstruksiya) va ko‘p qavatli uylardagi kvartiralarni
rekonstruksiya qilishda.
(3-band O‘zbekiston Respublikasi Vazirlar Mahkamasining 2019-yil 28-noyabrdagi 961-sonli
qaroriga
asosan xatboshilar bilan to‘ldirilgan — Qonun hujjatlari ma’lumotlari milliy bazasi, 29.11.2019-y.,
09/19/961/4092-son)
4. Obyektni qayta ixtisoslashtirish deganda obyektning maqsadli yo‘nalishining
rekonstruksiya bilan va rekonstruksiyasiz o‘zgarishi, ya’ni xonalar (binolar)ni uning loyiha-smeta va
kadastr hujjatlarida nazarda tutilmagan faoliyat uchun moslashtirish tushuniladi.
5. Obyektni rekonstruksiya qilish deganda quyidagilar tushuniladi:
binolar va inshootlarning mustahkamligi, zilzilabardoshliligiga ta’sir qiluvchi yuk ko‘taruvchi
qismlarining o‘zgarishiga olib keladigan hajmi va maydonini o‘zgartirish;
binolar va inshootlarning mustahkamligi, zilzilabardoshliligiga ta’sir qiluvchi yuk ko‘taruvchi
qismlarini o‘zgartirmasdan hajmi va maydonini o‘zgartirish;
bino va inshootlarning dastlabki hajmini saqlab qolgan holda ularning asosiy qismlariga
o‘zgartirish kiritish;
o‘z yer uchastkasida bir-biriga tutashib ketuvchi va alohida qo‘shimcha
bino va inshootlar
qurish;
umumiy ovqatlanish obyekti binosidan 5 metrdan oshmaydigan masofada mavsumiy kafeni
joylashtirish.
(5-band O‘zbekiston Respublikasi Vazirlar Mahkamasining 2021-yil 3-avgustdagi 485-sonli
qaroriga
asosan oltinchi xatboshi bilan to‘ldirilgan — Qonunchilik ma’lumotlari milliy bazasi, 03.08.2021-y.,
09/21/485/0747-son)
6. Obyektni ruxsatnomasiz qayta ixtisoslashtirish va rekonstruksiya qilish taqiqlanadi.
7. Ruxsatnoma berish tartibotini amalga oshirishda:
a) Toshkent shahar qurilish bosh boshqarmasi va tumanlar (shaharlar) qurilish bo‘limlari
(keyingi o‘rinlarda vakolatli organlar deb ataladi) ruxsatnoma beradilar;
b) Qoraqalpog‘iston Respublikasi, viloyatlar va Toshkent shahri davlat yer tuzish va ko‘chmas
mulk kadastri korxonasi filiali (keyingi o‘rinlarda DK filiallari deb ataladi) bino va inshootning
devorlari, kesimi (agar mavjud bo‘lsa), fasad rejasi va kadastr pasporti nusxasini yuboradi.
8. Davlat xizmatlari markazlari vakolatli organlar va DK filiallari o‘rtasidagi axborot almashinuvi
elektron raqamli imzoni (keyingi o‘rinlarda ERI deb ataladi) majburiy tartibda qo‘llash orqali faqat
idoralararo elektron o‘zaro bog‘lanish yordamida amalga oshiriladi.
9. Ruxsatnoma berish ushbu Reglamentning
1-ilovasidagi
sxemaga muvofiq
amalga
oshiriladi.
