Qarshi davlat universiteti huzuridagi ilmiy darajalar beruvchi

Download 1,6 Mb. Pdf ko'rish
bet	5/34
Sana	16.12.2023
Hajmi	1,6 Mb.
	#120570
Turi	Referat

1 2 3 4 5 6 7 8 9 ... 34

Bog'liq
o579hZGjXwYk6WO

Tadqiqotning usullari.
Tadqiqotning ilmiy yangiligi

Tadqiqotning obyekti sifatida 1991-2021-yillarda O‘zbekistonning sog‘liqni
saqlash sohasidagi hamkorlik aloqalarining holati, sohada amalga oshirilgan
islohotlar hamda o‘zgarishlar olingan.
Tadqiqotning predmetini O‘zbekiston aholi salomatligini muhofaza qilish
sohasining huquqiy asosi, hamkorlik yo‘nalishlari, amalga oshirilgan istiqbolli
loyihalar, erishilgan kelishuv va bitimlarning bajarilishi, Jahon sog‘liqni saqlash
tashkiloti tomonidan taklif etilgan masalalar tashkil etadi.
Tadqiqotning usullari. Tadqiqotda muammoga tarixiylik va haqqoniylik
tamoyillari asosida yondashilib, belgilangan vazifalarni to‘g‘ri hal etishda
O‘zbekiston tarixining yangi metodologik konseptual tamoyillariga tayangan holda
tipologik, retrospektiv, muammoli-xronologik, tarixiy genetik, tarixiy davrlashtirish,
statistik kabi usullardan foydalanildi.
Tadqiqotning ilmiy yangiligi quyidagilardan iborat:
O‘zbekistonda sog‘liqni saqlash sohasi xalqaro munosabatlarini yo‘lga
qo‘yish, bu bo‘yicha xalqaro tashkilotlar va xorijiy mamlakatlar bilan aloqalarni
mustahkamlash uchun zarur huquqiy kafolatlarning yaratilganligiga qaramay,
viloyatlarda ushbu sohada xorij tajribasini o‘rganish bo‘yicha yetarlicha chora-
tadbirlar olib borilmaganligi, tibbiyot xodimlarini xorijiy mamlakatlarga malaka
oshirish kurslariga o‘qishga yuborish yoki xorijlik yetuk mutaxassislarning ilg‘or
tajribalarini targ‘ib etish ishlari ko‘lamining talabdan orqadaligi kabi o‘ziga xos
muammolar mavjud bo‘lganligi asoslangan;
sog‘liqni saqlash sohasidagi xalqaro hamkorlik ko‘lamining kengayishiga
to‘siq bo‘lib kelgan sabablar (turli xorijiy davlatlar bilan bu sohadagi hamkorlik
aloqalarining tizimli yo‘lga qo‘yilmaganligi, munosabatlar ko‘p hollarda insonparvarlik
yordami xarakterida ekanligi, tibbiy ta’lim tizimida xorijiy hamkorlikning yetarli
darajada rivojlanmaganligi, xorij tajribasini O‘zbekistonda qo‘llashda tibbiy
texnikalarning zamon talablaridan orqadaligi) va xorijiy hamkorlikni rivojlantirishdagi
muammolar (ko‘p joylarda tibbiyot xodimlarining xorijlik hamkasblari bilan
aloqalarini o‘rnatish va xorijiy tillarni o‘rganish darajasining sustligi) aniqlangan;
tizimdagi islohotlarda Yevropa va Osiyo davlatlari bilan aloqalarining o‘sib
borish dinamikasi Germaniya, Yaponiya, Janubiy Koreya kabi davlatlar bilan
hamkorlik misolida shakllantirilib, natijada O‘zbekiston tibbiyotidagi ijobiy
o‘zgarishlar (aholi orasida sil kasalligining tarqalishi, ona va bola kasallanishi
hamda o‘lim ko‘rsatkichi dinamikasining pasayishi, tibbiy kadrlar tayyorlash
jarayonida xorij tajribasining qo‘llanilishi) hududlar kesimida isbotlangan;

11
JSSTning “Barcha inson salomatligini ta’minlash”, “Kasalxona bolaga
mehribondir” dasturlari va “Salomatlik hamma uchun” strategiyasini, YuNISEF
xalqaro tashkilotining “Bolaga do‘stona munosabatda bo‘lgan tibbiyot muassasasi”
dasturini amalga oshirilishi natijasida chaqaloqlarni ko‘krak suti bilan emizish
ko‘rsatkichining ortganligi, chaqaloqlarda septik kasallik 77 foiz va sariq kasalligi
50 foizga hamda ichak parezi 65 foizga kamayganligi aniqlangan.

Download 1,6 Mb.

1 2 3 4 5 6 7 8 9 ... 34

Download 1,6 Mb.

Pdf ko'rish