590
mustaqil fikrlaydigan yuqori malakali kadrlar tayyorlash jarayonini sifat jihatidan yangi
bosqichga ko‘tarish, oliy ta’limni modernizatsiya qilish, ilg‘or ta’lim texnologiyalariga
asoslangan holda ijtimoiy soha va iqtisodiyot tarmoqlarini rivojlantirish maqsadida
O‘zbekiston Respublikasi oliy ta’lim tizimini 2030 yilgacha
rivojlantirish konsepsiyasi
qabul qilindi.
Unda Ta’lim jarayoniga raqamli texnologiyalar va zamonaviy usullarni joriy etish
bo‘yicha quyidagi tadbirlar amalga oshirish nazarda tutilgan:
➢
zamonaviy axborot-kommunikatsiya texnologiyalari va ta’lim texnologiyalarining
mustahkam integratsiyasini ta’minlash, bu borada pedagog kadrlarning kasbiy mahoratini
uzluksiz rivojlantirib borish uchun qo‘shimcha sharoitlar yaratish;
➢
ta’lim jarayonlarini raqamli texnologiyalar asosida individuallashtirish, masofaviy
ta’lim xizmatlarini rivojlantirish, vebinar, onlayn, «blended learning», «flipped classroom»
texnologiyalarini
amaliyotga keng joriy etish;
➢
zamonaviy axborot-kommunikatsiya texnologiyalari asosida masofaviy ta’lim
dasturlarini tashkil etish;
➢
ma’ruza va amaliy mashg‘ulotlar, seminarlarni onlayn kuzatish va o‘zlashtirish
imkonini beruvchi, shuningdek ularni elektron axborot saqlovchilarga yuklovchi «E-
MINBAR» platformasini amaliyotga joriy etish, ta’lim jarayonlarida «bulutli
texnologiyalar»dan foydalanish.
Demak, ta’lim tizimida zamonaviy texnologiyalar asosida o‘qitishni sifat va
samaradorligini orttirishga, elektron ta’lim muhitidan foydalanib
interaktiv tizimlarini
joriy etish hozirgi kunning dolzarb masalalaridan hisoblanadi. Axborot-texnologiyalar
barcha sohalarda shiddat bilan rivojlanib borishi natijasida axborotlashgan ma’lumotlar
almashinuvi optimallashib borimoqda. Shuningdek, ta’limning noan’anaviy tizimlashgan
shakli sifatida ta’lim jarayonining interaktiv texnologiyalar asosida tashkillashtirish
imkoniyatlari ortib bormoqda.
Rivojlangan xorijiy mamlakatlar
tajribasidan kelib chiqib, ta’lim jarayoniga “bulutli
hisoblash”ni joriy etish ta’limni raqamlashtirish muammolarini bartaraf etishga yordam
beradi. Hozirgi kunda ta’lim jarayonida keng ommalashib borayotgan “bulutli hisoblash”
atamasi IT sohasida 2008 yildan boshlab foydalanib kelinmoqda. Bunday
texnologiyalardan o‘quv jarayonida foydalanish ta’lim oluvchilarni IT sohasidagi bilimlarini
yuqori darajaga ko‘tarishda va ta’lim sifatini oshirishda yaxshi vosita hisoblanadi.
Ta’limni raqamlashtirish jarayonida “Teskari ta’lim”, “Aralash ta’lim” texnologiyasi
elementlarini Google Classroom imkoniyatlaridan samarali foydalanish orqali o‘quv
jarayonini faollashrishga, ta’lim
oluvchilarni bilim, malaka va ko‘nikmalarini
rivojlantirishga imkon beradi. Ta’lim jarayonida o‘z-o‘zini o‘qitish makonini tashkil
qilishning samarali vositalaridan biri LMS – Learning Management System (ta’limni
boshqarish tizimi)ning imkoniyatlaridan foydalanishdir. Ko‘pgina LMSlar orasida keng
qo‘llaniladigan kontentlardan biri Google Classroomdir. Google Classroom – o‘quv
jarayonini tashkil qilishdagi bulutli platformadir. Platforma o‘qituvchi va o‘quvchi
(talaba)lar hamkorligiga asoslangan ta’lim jarayonini samarali tashkil qilish imkoniyatini
beradi.
