19
III. NAZARIY MATERIALLAR
1-ma’ruza. Axborot-kommunikatsiya tizimlari va texnologiyalarning
zamonaviy yutuqlari va qо‘shgan hissasi (2 soat)
Reja:
1.1.
Ta’limda axborot-kommunikatsiya texnologiyalari.
1.2.
Kompyuter о‘qitish vositalarining turlari va tasnifi.
1.3.
Kompyuterni о‘qitish vositalarini yaratish va ulardan foydalanishga
qо‘yiladigan talablar.
Tayanch iboralar:
axborot-kommunikatsion texnologiya, axborotlashtirish,
axborot tizimi, axborot tizimining apparat ta’minoti, axborot tizimining dasturiy
ta’minoti, axborot tizimining axborot ta’minoti, axborot tizimining matematik
ta’minoti, axborot tizimining hukukiy ta’minoti, LMS (Learning Management
Systems), Web-texnologiyalar.
1.1.
Ta’limda axborot-kommunikatsiya texnologiyalari.
О‘zbekiston Respublikasi milliy iqtisodining ijtimoiy yо‘naltirilgan bozor
munosabatlariga bosqichma-bosqich о‘tishi hamda ilmiy-texnika taraqqiyoti
jamiyatimiz
ijtimoiy-iqtisodiy
hayotining
barcha
jabhalariga
axborot-
kommunikatsiya texnologiyalari sohasidagi yutuqlarni tadbiq qilish darajasini
tezlashtirib yubordi. Mamlakatimiz milliy iqtisodiyoti tarmoq va sohalarini
axborotlashtirish jamiyat rivojlanishining obyektiv jarayoni va zarur bо‘lgan
axborotlarni yig‘ish, saqlash, uzatish, qayta ishlash va taqdim etishning tabiiy
davomidir.
Hozirgi kunda axborot-kommunikatsion texnologiyalari
(AKT)
iboralari
kundalik turmushda eng kо‘p qо‘llaniladigan tushunchalar desak mubolag‘a
bо‘lmaydi. Chunki hayotning qaysi sohasini olmaylik, qanday amallarni
bajarmaylik, albatta, AKT bilan ish kо‘ramiz. Zamonaviy AKTdan foydalanish,
axborot almashish, ularni uzatish, о‘zlashtirish inson faoliyatining asosiy negizini
tashkil etadi.
Zamonaviy axborot-kommunikatsiya texnologiyalari imkoniyatlari juda keng
tizim bо‘lib, unga ma’lum bо‘lgan kompyuter, multimedia vositalari, kompyuter
tarmoqlari, Internet kabi tushunchalardan tashqari qator yangi tushunchalar ham
kiradi. Bularga axborot tizimlari, axborot tizimlarini boshqarish, axborotlarni
uzatish tizimlari, ma’lumotlar ombori, ma’lumotlar omborini boshqarish tizimlari,
bilimlar ombori kabilar misol bо‘lishi mumkin. “XXI asr - axborotlashtirish asri”da
ta’lim sohasiga elektron ta’limni joriy etish, har bir ta’lim muassasasida:
- о‘qitish va о‘qish jarayonining;
- ta’lim muassasasi boshqarilishining;
- ta’lim muassasasi bо‘linmalarining;
-ta’lim muassasasi faoliyati muhitining axborotlashtirilishini talab qiladi.
