|
QoSni ta’minlashga bo‘lgan amaliy yondashuv
|
| bet | 41/118 | | Sana | 17.05.2024 | | Hajmi | 8,17 Mb. | | #240348 |
Bog'liq R. I. Isayev, D. X. Ibatova multimеdiali aloqa tarmoqlari toshkeQoSni ta’minlashga bo‘lgan amaliy yondashuv
Yuqorida ko‘rib chiqilgan muammolarning yechimlariga yo‘nalishni ko‘rib chiqamiz.
Birinchi qadam: tarmoqni tartibli holatga keltirish. Boshida odatda tarmoq yaxshi loyihalashtiriladi va zahiralanadi. Qandaydir vaqtdan keyin tez va yaqinlashgan yechimlar tufayli muammolar yig‘iladi. Shuning uchun, doimiy “tozalash” ishlari olib borilishi kerak, bunda nosozliklarni alohida nuqtalari va tor joylari bartaraf etilishi kerak. Mos kelgan joylarga o‘tkazish qobiliyati shunday qo‘shilishi kerakki, xattoki kanallar va keskin marshrutlarni rad etishi, tarmoqni ortiqcha yuklanishiga olib kelmasligi kerak. Bu IP – tarmoqda QoSni ta’minlash uchun kerak bo‘lgan asosiy va foydali ishdir.
Ikkinchi qadam: trafikni sinflarga bo‘lish. Xizmat ko‘rsatishning uchta sinfi tavsiya etiladi:
premium (Premium);
kafolatlangan (Assured);
eng yaxshi urinish (Best effort).
Premium - xizmat ko‘rsatish kichik kechikish va kam djitterli ishonchli xizmat ko‘rsatishni ta’minlaydi. Haqiqiy vaqtdagi trafik (masalan, vodeokonferensiya) va yo‘qotishlarga moil trafik (masalan, moliyaviy yoki tarmoqni boshqarish trafigi), shuningdek qandaydir xizmat ko‘rsatish foydasiga olinishi mumkin.
Assured - xizmat ko‘rsatish, ishonchli xizmat ko‘rsatishni ta’minlaydi. Virtual hususiy tarmoqlarning (Virtual Private Network, VPN) haqiqiy bo‘lmagan vaqtdagi trafigi shunday xizmat ko‘rsatishdan ustun chiqishi mumkin.
Best effort - xizmat ko‘rsatish an’anaviy Internet-xizmat ko‘rsatish.
Uchinchi qadam: Premium trafikni himoyalash va trafik injiniringi. Tavsiya etilayotgan yo‘nalishda belgilar bo‘yicha ko‘p protokolli kommutatsiyalash (Multiprotocol Label Switching, MPLS) texnologiyasi trafik injiniringi va himoyalash uchun qo‘llaniladi.
Trafikni himoyalash. Avval tarmoqda belgilar bo‘yicha kommutatsiyalash yo‘li konfiguratsiyalanadi (Label Switched Path, LSP). Har bir kiruvchi marshrutizator chiquvchiga nisbatan ikkita LSPga ega. Birinchi LSP – Premium trafik uchun qo‘llaniladi, ikkinchi LSP - Assured va Best effort trafik uchun birgalikda qo‘llaniladi. Premium LSP tez qayta marshrutlash ruxsatiga ega. Tez qayta marshrutlashning asosiy g‘oyasi, kanal, marshrutizator yoki ko‘pgina kanallar va marshrutizatorlardan iborat segment yo‘li uchun konfiguratsiyalashdan oldin LSP vaqtli ulanish mavjudligidadir, bunday kanal marshrutizator yoki segment yo‘li himoyalangan segment deyiladi.
Himoyalangan segmentda rad etish yuzaga kelsa, himoyalangan segmentni marshrutizatori ikkinchi sathdan ma’lumot oladi. LSPni vaqtli ulanishi nosozlikni aylanib o‘tishi uchun qo‘llaniladi. Bu himoyalanish 50... 100 ms oraliqda amalga oshirilishi mumkin. Tez qayta marshrutlash vaqtida, LSP tufayli qabul qilingan yo‘l shartli ravishda optimal bo‘lishi mumkin. Buni to‘g‘rilash uchun, himoyali marshrutizator axborotni LSPni kiruvchi marshrutizatoriga jo‘natadi, so‘ngra u LSP uchun yangi yo‘lni hisoblaydi va trafikni yangi LSP ga yo‘naltiradi. Bu jarayon 3.11-rasmda keltirilgan. Tez qayta marshrutlash, paketlarning yo‘qolishi yo‘l qo‘yilmaydigan ilovalar uchun zarur. Biroq tez qayta marshrutlash tarmoqning tuzilishini qisman murakkablashtiradi.
Tavsiya etilayotgan usulda Premium trafikni himoyalash, yuqori tayyorgarlikni ta’minlashga xizmat qiladi.
3.11-rasm. Tez qayta marshrutlash usuli
Trafik injiniringi. Tarmoqning topologiyasi va o‘tkazish qobiliyatini tez o‘zgartirib bo‘lmasligi natijasida, trafikni notekis taqsimlanishi tarmoqni ba’zi bir qismlarida o‘ta yuklanishga sabab bo‘lishi mumkin, xattoki tarmoqni umumiy o‘tkazish qobiliyati umumiy talablardan katta bo‘lsa ham. Tavsiya etilayotgan usulda har bir kiruvchi marshrutizator chiquvchiga nisbatan ikkita LSPga ega. Birinchi LSP – Premium trafik uchun qo‘llaniladi, ikkinchi LSP - Assured va Best effort trafik uchun birgalikda qo‘llaniladi. Mijozlardan keluvchi trafik kiruvchi marshrutizatorlarda, kiruvchi interfeyslarda klassifikatsiyalanadi va mos kelgan LSPga tushadi. Shuningdek tarmoq Operatorlari qo‘shimcha xizmatlar singari ko‘pgina maydonlar (jo‘natuvchi va qabul qiluvchining IP adresi, portlar raqami, protokollarning identifikatorlari va b.q ) bo‘yicha klassifikatsiyani taqdim etishi mumkin.
Trafik injiniringi ikkita maqsadda xizmat qiladi:
trafikni notekis taqsimlash tufayli yuzaga keladigan o‘ta yuklanish holatini (maksimal imkoniyatli bosqichda) oldini olish;
agar o‘ta yuklanish yuzaga kelsa, uni tez bartaraf etish.
To‘rtinchi qadam: sinflarga bo‘lish asosida rejalashtirish va navbatlarni tashkil etish. ЕХР maydoni asosida, turli sinflardagi MPLS paketlarining sarlavhasi turli navbatlarda joylashtiriladi. Ishlab chiqarishni konfiguratsiyasi va navbatlar o‘lchami qiyin masala hisoblanadi. Imkoniyatli yo‘nalishlardan birini ko‘rib chiqamiz. Interfeysdagi har bir navbatni kiruvchi oqim tezligi, LSP berilgan navbatdagi barcha o‘tuvchi tezliklarning yig‘indisi bilan aniqlanadi. Bu LSPlarning tezligi SNMP protokoli yordamida olinishi mumkin. Har bir sinfni nisbatan muhimligiga (masalan, pulli bahosi) bog‘liq holda, ularga turli og‘irliklar kiritish mumkin.
Beshinchi qadam: boshqa trafikni boshqarish sxemalarini kiritish. Policing i Shaping. Qachon mijoz xizmat ko‘rsatish tarmog‘iga yozilsa, u xizmat ko‘rsatish sathi haqida kelishuv tuzadi, (trafik Service, agar kerak bo‘lsa har bir sinf uchun), ya’ni foydalanuvchi jo‘natishi va qabul qilishi mumkin.
|
| |
