Moy quvur o‘tkazgichlari turbina podshipniklarini sovitish va moylash uchun moyni olib kelish va olib ketishda ishlatiladi.
Shuningdek, elektr stansiyasi moy xo‘jaligini qurilmalardagi moy idishlari bilan bog‘lashda qo‘llaniladi.
Suvni kimyoviy tozalash quvur o‘tkazgichlari qurilmalar, nasoslar va suvni kimyoviy tozalash idishlarini o‘zaro bog‘lashda, suvni kimyoviy tozalash xo‘jaligidan bosh binoga suvni tashishni o‘z ichiga oladi.
Mazut quvur o‘tkazgichlar mazut idishlarini nasoslar bilan bog‘lashda va mazut nasoslaridan forsunkaga mazut yetkazib berishga mo‘ljallangan.
Tabiiy gaz quvur o‘tkazgichlari gaz taqsimlash punktlaridan qozon gorelkalariga tabiiy gazni uzatib berishda qo‘llaniladi.
Issiqlik bilan ta’minlash quvur o‘tkazgichlari quyidagilarni o‘z ichiga oladi:
suv isitgichlarga bug‘ yetkazib berish quvur o‘tkazgichlariga tashqi iste’mol bug‘ quvur o‘tkazgichlari, bosh binoda joylashgan issiqlik tizimlarining suv quvur o‘tkazgichlari, shuningdek, suv isitgichdan kondensat suvini olib ketuvchi quvur o‘tkazgichlar, diaeratordagi bug‘ni qayta hosil qiluvchi va sovituvchi quvur o‘tkazgichlar.
Boshqa quvur o‘tkazgichlar quyidagilardan iborat:
kulni chiqarib yuborish, texnik suv, yong‘inga qarshi, vodorod, kislorod, asetilin, siqilgan havo, xo‘jalik quvur o‘tkazgichlari, bug‘ purkash quvur o‘tkazgichlari, puflab tozalash, tushirib yuborish quvur o‘tkazgichlari.
Elektr stansiyasining prinsipial issiqlik sxemasida (1-rasm) hamma quvurlarning qurilmalar bilan bog‘liqligi ko‘rsatilgan.
Har qaysi quvur o‘tkazgich alohida quvur o‘tkazgichlardan, otvodlar, chetlagich,
kompensatorlar, flaneslar, mahkamlagichlar, flaneslar orasidagi qistirmalar, armaturalar va unga masofaviy yuritmalar, uchliklar, o‘tish quvur o‘tkazgichlari, tarmoqlagichlar, tiqinlar, shtutserlar, quvur o‘tkazgichlarning issiqlik siljishi kabi, nazorat-o‘lchov
asboblarining qismlari, quvur o‘tkazgich metalla- rining siljuvchanligini o‘lchash uchun ishlatiladigan reperlar, tir- gaklar va osmalar, tirgakli metall konstruksiyalardan iborat.
Elektr stansiyalar bosh bug‘ quvur o‘tkazgichlarining chizma- lari uch xil turda bo‘ladi: blokli, markazlashtirilgan va seksiyali.
Blokli sxemada (2-rasm) turbina faqat o‘zining qozoni yoki qozonlar guruhi tomonidan ta’minlanadi. Bunda turbinalar boshqa qozonlardan bug‘ni bloklar bilan bog‘lovchi quvur o‘tkazgich bo‘lmaganligi uchun olish imkoniyati yo‘q.
Hamma yangi kondensatsion elektr stansiyalarida quvur o‘tkazgichlarning blokli sxemasidan foydalaniladi. Bunday sxemalarda bosh bug‘ quvur o‘tkazgichlar va ikkilamchi bug‘ quvur o‘tkazgichlarning uzunligi qisqaradi, armatura miqdori kamayadi va, shuningdek, ekspluatatsiya ishonchliligi ortadi, bug‘ quvur o‘tkazgichlarining xarajati kamayadi.
rasm. Elektr stansiyasining prinsipial issiqlik sxemasi:
1 — qozon qurilmasi;
2 — turbina;
3 — reduksion sovitish qurilmasi;
4 — kondensator;
5 —
kondensat nasosi;
6 — asosiy ejektor;
7 —regenerativ qizdirgich;
8 — bug‘latgichning bug‘ kondensatori;
9 —atmosfera bosimli diaerator;
10 — iste’mol nasosi;
11 — yuqori bosimli qizdirgich;
12 —atmosfera bosimli diaerator;
— bug‘latgich; 14 — oqova baki; 15 — oqova nasosi; 16 — sirkulatsiya nasosi;
— tarmoq nasosi; 18 —asosiy suv isitgich; 19 — cho‘qqi suv isitgich.
rasm. Qozon-turbina bosh quvur o‘tkazgichlarining blokli sxemasi:
— barabanli qozon qurilmasi; 2 — yuqori bosimli turbina; 3 — o‘rta bosimli turbina;
— past bosimli turbina; 5 — kondensator; 6 — saqlash klapanlari; 7 — oraliq bug‘ qizdirgichlar quvur o‘tkazgichlaridagi saqlash klapanlari; 8 — berkitish surilma qopqog‘i; 9 — suv bosish surilma qopqog‘i; 10 — turbinani to‘xtatish klapani; 11 — rostlash klapani; 12 — tez berkitish klapani; 13 — tez ishlovchi reduksion sovitish qurilmasi; 14 — o‘txonaning reduksion sovitish qurilmasi.