95
5.3. WEB RESURSLARNI NASHR QILISH
Reja:
1.
Web texnologiyaning asosiy tushunchalari.
2.
Web saytni yaratish texnologiyalari va tillari.
3.
Web resurslarni nashr qilish usullari.
Kalit soʻzlar: www, web sayt, web portal, xosting, domen,
internet provayder, HTML.
Web
muhitda ish
olib borish
uchun
quyidagi asosiy
tushunchalarni oʻzlashtirish muhim.
WWW (world wide web) – butun jahon oʻrgimchak toʻri,
Internetning asosiy xizmati hisoblanib, global tarmoqda joylashtirilgan
oʻzaro bogʻlangan hujjatlardan foydalanish imkonini beruvchi tizim.
URL (Uniform Resource Locator) – tarmoqdagi resursning
manzili.
Web-sahifa – oʻzining unikal adresi - URLga ega boʻlgan va
maxsus koʻrish dasturi yordamida (brauzer) koʻriluvchi hujjatdir. Unga
matn, grafika, ovoz, video yoki animatsiya ma‘lumotlar birlashmasi -
multimediali hujjatlar, hamda gipermurojaatlar kirishi mumkin.
Web-sayt – bir qancha web-sahifalarning mantiqiy birlashmasi.
Web-sayt unikal manzil - domenga ega boʻladi.
Domen – saytning harf yoki raqamda keltirilgan nomi, manzili.
Web-server – tarmoqqa ulangan kompyuter yoki undagi dastur
hisoblanib, umumiy resurslarni mijozga taqdim etish yoki ularni
boshqarish vazifalarini bajaradi.
Xosting – serverga resurslarni joylashtirish va internet
tarmoʻgʻida taqdim etish imkonini beruvchi provayder xizmati.
Internet provayder – Internet xizmatlarini, jumladan, domen va
xosting xizmatlarini taqdim etuvchi tashkilot.