|
Reja: Ta’mirlash xo‘jaligining vazifalari va ishlab chiqarish samaradorligini oshirishdagi o‘rni
|
| bet | 5/8 | | Sana | 06.02.2024 | | Hajmi | 159,15 Kb. | | #152158 |
Bog'liq Tamirlashni standartlariKap-Ko‘rik-Kich1-Ko‘rik- Kich2- Ko‘rik- O‘rt1-Kich3- Ko‘rik- Kich4-
Ko‘rik- O‘rt2 - Ko‘rik- Kich5- Ko‘rik- Kich6- Ko‘rik- Kkap (8.3)
Shunday qilib, bu guruh stanoklarining ta’mirlash sikli strukturasi: 2 ta o‘rta, 6 ta kichik, 8 ta ko‘rikni o‘z ichiga oladi.
Ta’mirlash ishlariga vaqt me’yorini baholash uchun ta’mirlash murakkabligi ko‘rsatkichlaridan foydalaniladi. U stanokni kapital ta’mirlash hajmi etalon stanokni kapital ta’mirlash hajmidan necha barobar kattaligini ko‘rsatuvchi koeffitsientdir.
Mashinasozlik sanoatida uzoq muddat ishlov berilayotgan buyumning eng katta diametri 400 mm (stanok markazi balandligi 200 mm) va markazlar o‘rtasidagi masofa 1000 mm bo‘lgan 1 k 62 markali tokarlik stanogini ta’mirlash murakkabligi etalon sifatida qabul qilingan. Bu stanok uchun 11-toifa (kotegoriya) ta’mirlash murakkabligi belgilangan. Shunday qilib, mashinasozlikda bir birlik toifa ta’mirlash murakkabligi (TMB) etalon uchun qabul qilingan 1K 62 markali tokarlik stanogining ta’mirlash murakkabligi 1/11 qabul qilingan.
Ta’mirlash murakkabligi birligini etalon sifatida qo‘llash barcha dastgohlarni ta’mirlash murakkabligi bo‘yicha klassifikatsiyalash va har bir agregatga murakkablik toifasini berishga imkoniyat beradi.
Agregatni ta’mirlash murakkabligi kategoriyasi va shu agregatga mos keladigan ta’mirlash birligi bir-biriga mos keladi. Har bir ta’mirlash murakkabligi guruhi kelgusi guruhdan bir ta’mirlash birligiga katta. Birinchi guruhga ta’mirlash bir ta’mirlash birligidan iborat dastgohlar kiradi. Demak, 1 K 62 markali stanok 11-murakkablik guruhiga kiradi, uni ta’mirlashga mehnat sarfi 11-ta’mirlash birligini tashkil qiladi (11TB). Mos holda 8-murakkablik guruhi stanogi 8 ta’mirlash birligiga teng bo‘lgan mehnat sarfini 12-guruh stanogi 12 ta’mirlash birligini (12TB) talab qiladi.
Ish hajmining soat me’yori barcha ta’mirlash ishlaridan alohida bir ta’mirlash birligi uchun zarur bo‘lgan vaqtini belgilaydi. Bunday me’yorlar quyidagi dastgohlar (metall qirquvchi, temirga ishlov beruvchi, presslar) ga; ta’mirlash (kapital, o‘rta, kichik, ko‘ruv) ga; operatsiyalari (stanokli, chilangarlik) ga moslab tuziladi. Bu barcha me’yorlar nafaqat ta’mirlash operatsiyalariga, balki ularga tayyorlash (masalan, mashinani qismlarga ajratish) hamda uni yig‘ish, montaj qilish, sinash uchun zarur bo‘lgan vaqt sarfini o‘z ichiga oladi.
Ta’mirlashlar o‘rtasidagi xizmat ko‘rsatish me’yori har bir ishchi uchun bir smenaga belgilanadi. Ular ishlab chiqarishning ma’muriy- tashkiliy turi va dastgohlar turiga moslab aniqlangan. Masalan, ishlab chiqarish turi yakka va seriyali bo‘lgan mexanika sexlarida 1 ta ishchi uchun bir smenada ta’mirlashlar oralig‘idagi xizmat ko‘rsatish me’yori yog‘lovchilar uchun 1000, ishlab chiqarish turi seriyali bo‘lgan quyish sexida - 150, donaviy ishlab chiqarish turida-500 ta’mirlash birligiga teng. Ommaviy va yirik seriyali ishlab chiqarishda ta’mirlashlar oralig‘idagi xizmat ko‘rsatish me’yorini 10-15 % ga kamaytirish mumkin. Yuqorida keltirilgan me’yorlar turli xildagi dastgohlar uchun va bir turdagi, lekin turli maqsadlarda ishlatiladigan dastgohlar uchun turlicha bo‘ladi. Ular amaliy tajribalar va maxsus buyruqlar, ta’mirlashlarni umumlashtirish, tahlil qilish asosida belgilanadi.
|
| |
