274
•
10-20 sm – bir-biriga yaqin (zich) ekiladigan ekinlarni
sug‘orishda qo‘llanadi va ushbu ekinlarni yengil mexanik
tarkibli (qumli) tuproqlar sharoitida yetishtiriladigan
holatlar uchun eng ma qul sanaladi.
•
30 sm – o‘rta mexanik tarkibli tuproqlar sharoitida,
ko‘chat oralig‘i 30 sm masofada ekiladigan ekinlarni
sug‘orish uchun qo‘llaniladi.
•
40-50 sm – ko‘chatlari bir-biridan uzoq masofada, siyrak
ekiladigan ekinlarni sug‘orish uchun qo‘llanadi.
Tomizgichlari oralig‘idagi masofasi katta bo‘lgan qattiq yassi
tomizgichli sug‘orish lentalaridan ko‘p yillik ekinlarni (intensiv
bog‘larni) chiziqli ko‘rinishda sug‘orish uchun foydalanish
mumkin. Ushbu ko‘p yillik mevali daraxtlarni tomchilatib
sug‘orish uchun qalin devorli sug‘orish shlanglaridan foydalanish
iqtisodiy jihatdan foydaliroq sanaladi. Buning asosiy sababi qalin
devorli sug‘orish shlanglarining ishlash muddati uzoq ekanligi
bilan izohlanadi.
