314
Shlakli portlandsement quyidagi markalarda ishlab chikadilar: 200, 300, 400 va
500. Shlakli portlandsementning o‘ziga xos xususiyatlaridan biri uning tishlashish va
qotish jarayonining sekinligidir. Tishlashishning boshlanishi 45 minutdan so‘ng
boshlanadi, ohiri 12 soatgacha davom etadi. Maydalik darajasi portlandsementnikiga
teng. Shlakli portlandsement beton va temir-beton konstruksiyalar tayyorlashda,
sun’iy toshlar, qorishmalar tayyorlashda, suvoqchilikda keng ishlatiladi.
Sulfat-shlakli
sementlar-35-70% gacha donador domna shlagi bilan gipsni tuyish jarayonida
portlandsement yoki ohak qo‘shib olinadigan bog‘lovchi moddadir. Sulfat-shlakli
sement 150, 200, 250, 300, markalarda chiqariladi.
Ohak-shlakli sementlar donador domna shlagi bilan 25% ohakni tuyib,
so‘nmagan aralashmaga gips qo‘shib olingan bog‘lovchidir. Putssolan va shlakli
portlandsementlar turli beton
va temir-beton konstruksiyalar, yig‘ma detal va
buyumlar tayyorlashda, portlandsementni
tejash maqsadida, shuningdek, qurilish
qorishmalari va betonlar tayyorlash uchun ishlatiladi.
Bunday sementlardan
tayyorlangan betonlar quruq sharoitda ishlatilganda ularning qotishi sekinlashadi.
