284
bosimiga bardosh berib, muzning buzuvchi kuchini qirqadi.
Bu esa sementtoshning
sovuqqa chidamliligini oshirishga sabab bo‘ladi.
Gidrofob qo‘shilmalar, masalan, milonaft, sementtosh strukturasining bir
jinsliligini oshiradi va kovak hamda kapillyar devorchalarini gidrofoblaydi, shu bilan
sementtoshning suv ta’siriga chidamliligini kuchaytiradi. Shunisi ham borki,
gidrofillovchi qo‘shilmalar (masalan, sulfit-spirt bardisi—SSB)
zarur darajada
yoyiluvchanlikni saqlagani holda betonbop qorishmalarning suvga talabini ancha
pasaytiradi va shu bilan sementtoshning g‘ovakligini kamaytiradi. Shu tarzda uning
sovuqqa chidamliligi va suv o‘tkazmasligi oshadi.
Yuqorida ko‘rsatib o‘tilgan qo‘shilmalar sement umumiy og‘irligining
0,1…0,25 protsentini tashkil qiladi. Shuni ta’qidlash zarurki, sementtosh uchun
qotayotgan dastlabki davrda
muzlash ayniqsa xavflidir, xali unchalik mustahkam
bo‘lmagan, g‘ovak strukturali sementtosh muz bosimiga bardosh berolmaydi. U etarli
darajada qotgan bo‘lsa, ya’ni marka mustahkamligining 50 protsentiga etganda u
muzlashga yaxshi qarshilik ko‘rsata oladi. Sement tishlasha boshlamasdan oldin
muzlasa, mustahkamlikka zarar etmaydi, chunki u erigandan so‘ng qotish jarayonlari
qayta tiklanadi.
