162
Insonga raqamli manzilni eslab qolish ancha mushkuldir, shuning
uchun nomlarning domen tizimi (DNS) kiritildi, u raqamli Internet –
manzilga mos noyob domen nom qoʻyiladi.
Domen –
Domain Name Server (DNS – domen nomlari serveri)
deb ataluvchi kompʻyuterlar domen nomlarini sonli manzillarga
aylantirib beradi. Bu bir qancha belgilar boʻyicha birlashtirilgan
kompyuterlar guruhidir. Domen tizimi ierarxik strukturaga ega: yuqori
(birinchi) daraja domenlari; ikkinchi daraja domenlari; uchinchi daraja
domenlari va x.k (oʻngdan chapga).
Internetdagi biror resursga ulanish kerak bo`lganda, bu resurs
joylashgan manzil xaqiqiy IP manzilga aylantirilishi kerak bo`ladi.
Bunda sizning kompʻyuteringiz avval sizga xizmat ko`rsatuvchi internet
provayderining mahalliy domen nomlari serveriga murojaat qiladi.
Agar bu resurs sizning kompʻyuteringiz joylashgan tarmoqda
bo`lsa, resursning IP manzili shu serverdan topiladi va topilgan manzil
sizning kompʻyuteringizga jo`natiladi. Sizning kompʻyuteringiz xaqiqiy
IP manzilni olgach, bu manzilga murojaat qiladi va kerakli
ma`lumotlarni oladi.
Agar so`ralgan resurs mahalliy tarmoqqa tegishli bo`lmasa, domen
nomlarining mahalliy serveri bu manzilni topa olmaydi. Bu holda
mahalliy server internetga murojaat qiladi va domen nomlari
serverlarining eng asosiysi InterNIC ga murojaat qiladi. InterNIC
qidirilayotgan resurs nomi qaysi domen nomlari serverida saqlanishini
aniqlab, bu server manzilini sizning serveringizga jo`natadi.
