Keyingi
tahrirga qarang.
91. Bank operatsion xarajatlari bo‘yicha hujjatlarni rasmiylashtirish
vazifasi yuklatilgan xodim
bu xarajatlar bo‘yicha hujjatlarni buxgalteriya o‘tkazmalari uchun qabul qilayotganda quyidagilarni
tekshiradi:
a) puli to‘lanayotgan hujjatda kreditlarni tasarruf etuvchining ruxsat imzosi bor-yo‘qligi (agar
bo‘nak hisoboti kabi jamlama hujjat puli to‘lanayotgan bo‘lsa, imzo faqat jamlama hujjatda bo‘lishi
talab qilinadi);
b) puli to‘lanayotgan hujjatdagi xususiy summalar va yakunlar to‘g‘riligi;
v) hujjat to‘g‘ri rasmiylashtirilgani va xususan, ko‘rsatilgan xizmatlar uchun tuzilgan to‘lov
hujjatlariga bankning tegishli mansabdor shaxslari bajarilgan ishlar va ko‘rsatilgan xizmatlar qabul
qilinganini tasdiqlab qo‘ygan imzolarning bor-yo‘qligi;
g) sotib olingan moddiy qimmatliklar uchun yozilgan to‘lov hujjatlarda bu qimmatliklarni ular
but saqlanishi uchun javobgar shaxslar qabul qilib olganligi to‘g‘risidagi tilxatlarning bor-yo‘qligi;
d) hujjat puli hisoboti topshiriladigan summalardan to‘langan hollarda pul olingani to‘g‘risida
hujjatga imzo chekilgani.
Keyingi
tahrirga qarang.
92. Agar hisob-kitoblar naqd pulsiz tartibda amalga oshirilsa,
u holda memorial ordyer
tuziladi. Memorial va kassa orderlari bank ichki hisobvaraqlari bo‘yicha hisob yuritadigan buxgalter
hamda bosh buxgalter yoki uning o‘rinbosari tomonidan imzolanadi.
Keyingi
tahrirga qarang.
93. Kelajakdagi hisobot davriga tegishli bo‘lgan xarajatlar tegishli hisobot davri davomida
amortizatsiya (xarajatga o‘tkaziladi) qilinishi lozim. Bunday xarajatlarga yil oxirida ta’tilga ketayotgan
xodimlarga to‘langan ish haqi, xususan kelasi yilga taalluqli to‘lovlar, davriy nashrga obuna bo‘lish
bo‘yicha, kelgusi yillar smetalari hisobidan o‘rni qoplanishi kerak bo‘lgan
ijaraga olingan binolarni
kapital ta’mirlash xarajatlari summasi, binoni ijarasi uchun oldindan to‘lov, oldindan sug‘urta badali,
oldindan auditorlik xizmatlari uchun to‘lovlar, faoliyat ko‘rsatish bilan bog‘liq tashkiliy xarajatlar va
boshqa soliq to‘lovlari misol bo‘lishi mumkin.
Keyingi
tahrirga qarang.
94. Avtotransportdan foydalanish va uni joriy ta’mirlash xarajatlari, foydalanilgan yonilg‘i
qiymati hisobi “Transportni saqlash va shahar bo‘ylab yurish” nomli alohida shaxsiy hisobvaraqda
yuritiladi.
Bundan tashqari, mazkur shaxsiy hisobvaraqda markazlashtirilgan ta’minot anjomlarini
viloyat doirasida tashish xarajatlari hisobi ham olib boriladi.
Keyingi
tahrirga qarang.
95. Bank reklama va xabar berish, kanselyariya anjomlari va ofis
buyumlarini sotib olishga
qiladigan xarajatlar, pochta,telefon hamda faks xarajatlari, davriy nashrlar, kitoblar, gazetalar uchun
qiladigan xarajatlar hisobi “Ma’muriy xarajatlar” nomli shaxsiy hisobvaraqda tegishli tarzda ikkinchi
tartib hisobvaraqlarida yuritiladi. Bu hisobvaraqlar bo‘yicha xarajatlar bosh bank belgilagan
smetalar chegarasida qilinadi.
Keyingi
tahrirga qarang.
96. Bank xodimlarining ish haqi va ularga to‘lanadigan boshqa to‘lovlar qonun hujjatlariga
muvofiq amalga oshiriladi.
Keyingi
tahrirga qarang.
