|
INSON TARAQQIYOTI UCHUN AJRATILGAN XARAJATLAR ULUSHI
|
| bet | 318/485 | | Sana | 10.07.2024 | | Hajmi | 0,64 Mb. | | #267286 |
Bog'liq TOSHALIYEVA S.T. IZOXLI LUG\'AT (2)INSON TARAQQIYOTI UCHUN AJRATILGAN XARAJATLAR ULUSHI — bu milliy daromaddan inson rivojlanishining ustuvor yo‘nalishlarini amalga oshirish uchun ajratiladigan xarajatlarning foizidir.
INSONIY KAPITAL (INSON RESURSLARI) — Odamlar va ularning iqtisodiy ishlab chiqarish qobiliyati. Ma’lumotlilik, jismoniy tayyorgarlik va sog‘liqni saqlash inson resurslarini ortishiga ko‘maklashishi mumkin.
INSONIY KAPITALGA INVESTITSIYALAR — ishchilarning mehnat unumdorligini oshirish uchun (ularning malakalarini oshirish va qobiliyatlarini rivojlantirish orqali) qilingan har qanday chora: maorif, ishchilar salomatligini yaxshilash yoki ish kuchining harakatchanligini oshirishga ketgan sarflar.
INSPEKTSIYA (lot.) — boshqaruvning ayrim tarmoqlarida o‘rnatilgan va ayrim ma’muriy huquqlar bilan nazorat funksiyalarini birlashtiruvchi qoidalarni bajarishni kuzatishga qaratilgan davlat boshqaruv organlarining maxsus turi. I. vazifasiga nafaqat ijroni tekshirish, balki o‘z joyida kamchiliklarni tuzatishga qaratilgan choralar qabul qilish ham kiradi.
INSTANTSIYA (lot.) — bitta tuzilmaning oliy va quyi muassasalariga nisbatan ma’lum muassasa joylashgan pog‘onani belgilovchi ma’muriy va sud huquqi termini.
INSTINKTIV (FIZIOLOGIK) EHTIYOJ - faunaga xos bo‘lgan xususiyat. Hayvonot olamida, odamlarda ham, insonlardan farqli ravishda (ovqatlanish, yashash makoniga ega bo‘lish, nasl qoldirish, bolalarini yashashga o‘rgatish va hokazo) aql tufayli emas, balki instink tufayli paydo bo‘lgan zaruriyat.
INSTITUT (lot.) — 1. Ma’lum ijtimoiy munosabatlar doirasi bo‘yicha huquqiy me’yorlar majmuasi (masalan, nikoh I.); 2. Har xil ixtisoslashtirilgan o‘quv va ilmiy- tadqiqot muassasalari nomi.
INSTITUTSION INVESTOR (lot. ing.) — asosiy maqsadi o‘z mablag‘lari yoki boshqa kompaniyalar mablag‘larini investrlash hisoblangan tashkilot. Nafaqa fondlari, investitsiya kompaniyalari, sug‘urta kompaniyalari, banklarni o‘z ichiga oladi.
INSTITUTSION REKLAMA (lot.) — harakat maqsadi mahsulot yoki xizmatni sotish emas, balki korporatsiya obrazini yaxshilash bo‘lganda foydalaniladi.
|
| |
