|
Termiz davlat universiteti toshaliyeva s. T., A. M. Abdurahmonov iqtisodiyotga oid
|
| bet | 444/485 | | Sana | 10.07.2024 | | Hajmi | 0,64 Mb. | | #267286 |
Bog'liq TOSHALIYEVA S.T. IZOXLI LUG\'AT (2)KOOPERATSIYA ALOQALARI – turli soha ishlab chiqarish tarmoqlarida ma’lum mahsulotni tayyorlash bo‘yicha uzoq muddatli aloqalarni o‘rnatish.
KOOPIRAYT (ing.) — 1) aynan tarjima qilganda muallif huquqi ma’nosini bildiradi. Xo‘jalik huquqiy amaliyotda K. belgini bildiradi, bu belgi mahsulot tayyorlovchi firma nomidan yoki muallif familiyasidan oldin qo‘yiladi. Odatda K. ommaviy tirajdagi bosma, kino va video mahsulotlari hamda dizaynning ayrim turlari va h.k. foydalaniladi; 2) K. (taqdim etish huquqi) — adabiy, audiova videoasar muallifining o‘z ishini ko‘rsatish va taqdim etish huquqi.
KORNER (ing.) — foyda olish maqsadida bitta yoki bir necha yuridik va jismoniy shaxslar tomonidan birjadagi aksiyalar, tovarlar, kontraktlarni sotib olish (til biriktirib). K. shunday foyda olishni ta’minlovchi tegishli tovarlar va h.k. yetishmasligini va narxlarning oshishini sun’iy yuzaga keltiruvchi vosita hisoblanadi.
KORPORATIV FAOLIYAT (ingl. Corporate affairs) — jamoatchilik faoliyati deb ham ataladi. Kompaniya, korporatsiya yoki tashkilot korporativ darajada amalga oshiradigan jamoatchilik bilan aloqalar bo‘yicha tadbirlar. Bu tadbirlar boshqa korporatsiyalar, o‘zini-o‘zi boshqarish mahalliy va davlat organlari, harbiylar, kompaniya aksiyadorlari va kompaniyani qo‘llabquvvatlovchilarga yo‘naltirilgan va bog‘langan bo‘ladi. Ba’zida bunday harakatlar xorijiy korporatsiyalar, jumladan, mijozlar va mahsulot yetkazib beruvchilarga ularning oliy rahbariyati darajasida yo‘naltiriladi.
KORPORATIV IQTISODIYOT - birlashgan tashkilotlar (korporatsiyalar) tartibga solish vakolatiga ega bo‘lgan iqtisodiyot.
KORPORATIV MADANIYAT (ingl. Corporate culture) — tashkilot ichidagi qadriyatlar, yondashuvlar, e’tiqod, munosabatlar va amaliyot, shuningdek, tashkilotning har kungi vazifalarini amalga oshirishda qo‘llaniladigan usullar.
KORPORATIV XUSUSIY MULK – boylikni mulkdorning sherikchilik asosida ma’lum guruhlarga birlashgan holda o‘zlashtirishi tushuniladi.
KORPORATIZM - faoliyatni tashkil etish tizimi. Bunda ish beruvchilar yoki yollanma ishchilarning birlashgan tashkilotlari boshqaruv hokimiyatiga va yetakchi ahamiyatga ega bo‘ladi.
|
| |
