|
Termiz davlat universiteti toshaliyeva s. T., A. M. Abdurahmonov iqtisodiyotga oid
|
| bet | 7/485 | | Sana | 10.07.2024 | | Hajmi | 0,64 Mb. | | #267286 |
Bog'liq TOSHALIYEVA S.T. IZOXLI LUG\'AT (2)ADAPTATSIYA (lot.) – o‘zgarib turadigan muhitga moslanish tizimi jarayoni. Adaptatsiya darajasi qanchalik yuqori bo‘lsa, sistema shunchalik ishonchli bo‘ladi va uning yashashi shunchalik yuqori bo‘ladi.
ADAPTIV TUZILMA (lot.) – atrof- muhitdagi o‘zgarishlarga uddaburonlik bilan munosabat bildirish va mexanik (yoki byurokratik) strukturadan prinsipial farq qilishga imkon beruvchi tashkil etilgan struktura. Uzviy tuzilma ham deb ataladi.
ADDENDUM – shartnomaning u yoki bu shartlarini o‘zgartirish yoki aniqlashtirishga qaratilgan qo‘shimcha.
ADEKVAT (lot.) – teng, o‘xshash, butunlay mos kelishi.
ADLIBITUM (lot.) – xohishi bo‘yicha, o‘z ixtiyori bo‘yicha, o‘zboshimchaligi bo‘yicha (muallifning, nashriyotchining va h.k.)
ADOLATLI DAROMADLAR - iqtisodiy faoliyatdan keladigan ish haqi, tadbirkorlik foydasi, mulkdan keladigan foyda (foiz, renta, dividend), ehtiyojga yarasha taqsimot natijasida olinadigan nafaqa, stipendiya, shuningdek turli mukofotlar, sovg‘alar, yutuqlar va hokazolar.
ADOLATSIZ DAROMADLAR - mehnatga layoqati bo‘lgan kishilarning mehnat qilmay (broker va dilerlarning narx o‘zgarishi tufayli, aholi, firma va davlatning firibgarlik, qalloblik, o‘g‘irliq, ta’magirlik, poraxo‘rlik, reketchilik kabi usullar bilan topayotgan daromadlari.
ADREFERENDUM (lot.) – shartnomani imzolash turlaridan biri – “adreferendum”ni imzolashga nisbatan xalqaro huquqda qo‘llaniladigan lotincha termin.
ADRESANT (nem.) — 1. Jo‘natuvchi; korrespondentsiyani, yukni jo‘natuvchi shaxs; 2. Nomiga veksel yozilgan shaxs.
ADRESAT (nem.) – 1. Oluvchi; korrespondentsiyani yukni oluvchi shaxs; 2. O‘tkazma vekselini beruvchi shaxs.
ADVALOR (lot.) – qiymat; tovarning, bitimning (soliq, komission mukofot, bojxona va h.k.) umumiy qiymatidan qayd etilgan foiz shaklida hisoblangan.
ADVALOREM (ingl. ad valorem) — qimmatli yuklarni tashish to‘lovini hisoblash usuli yoki bojxona to‘lovi, ya’ni hisoblash yuk birligi uchun emas, balki yuk bahosiga nisbatan foizlarda hisoblanishi tushuniladi.
|
| |
