Nəqliyyat sisteminin vahidliyi

• 
  Texniki sahədə qarşılıqlı əlaqə. Bu müxtəlif nəqliyyat növlərinin texniki vasitələrinin parametrlərinin unifikasiya, standartlaşdırma və qarşılıqlı razılaşdırılması ilə müəyyən olunur;
  
• 
  Texnoloji sahədə qarşılıqlı əlaqə texnologiyasının vahidliyində, nəqliyyatın, yük göndərən və alanların iş qrafiklərinin uyğunluğunda, nəqliyyat qovşaqlarının fasiləsiz plan – qrafiklərində əks olunur;
  
• 
  Informasiya sahəsində qarşılıqlı əlaqə informasiyasının məna, formaya görə uyğunluğunu, bir nəqliyyat növündən digər nəqliyyat növünə ötürülmə sürəti və vaxtlı-vaxtında olmasını təmin edir;
  
• 
  Hüquqi sahədə qarşılıqlı əlaqənin əsasını müxtəlif nəqliyyat növlərinin nizamnamələri, daşıma qaydaları və tarifləri, daşımaların planlaşdırma qaydaları təşkil edir;
  
• 
  Iqtisadi sahədə qarşılıqlı əlaqənin əsasını vahid planlaşdırılma sistemi, daşımaların nəqliyyat növləri arasında paylanması, resursların olub-olmaması təşkil edir;
  
• 
  Qovşaqlarda müxtəlif nəqliyyat növlərinin qazandığı təcrübənin istifadə edilməsi.
  

Müxtəlif nəqliyyat növlərinin qovşaqlarda səmərəli işini sutkalıq və ya daha böyük müddətə hazırlanmış fasiləsiz Plan-qrafiklər təmin edir. Fasiləsiz nəqliyyat prosesi dedikdə nəqliyyat qovşağında elə proses başa düşülür ki, qəbul olunan yüklər qoyulmuş vaxt müddətində yola salınsınlar.